Barcelona midfielder Frenkie de Jong chu club board lam nen an inkar fel vek lo mahse Catalan club-ah kum 10 dang cham a duh tih a sawi.
Kum 25 mi De Jong hian tun nipuiah club in hralh phal mahse Manchester United leh Chelsea ngaihvenna hnawlin club a cham a thlang.
De Jong hian tunhnaiah nipui laia Barca in chhuahtir an tum dan a sawi chhuak a. A contract chungchangah thlengin an hotuten zawhna an nei tih a lo sawilang tawh.
De Jong chuan, “Barcelona-ah hian ka hlim a, ka inkhelh tam phei chuan a lawmawm. Helai hmunah hian rei tak cheng turin ka inngai a, kum 8 atanga kum 10 vel tal la awm ka duh.” a ti.