Saudi Arabia club Al-Ittihad chuan Liverpool chu Mohamed Salah lakluh nan Euro maktaduai 60 in an dawr a, kum 31 mi Egypt forward hi kum hnih chhungin Euro maktaduai 180 hlawh tir an inhuam. (Al Riyadiah)
Saudi Pro League hian Premier League player langsarte nakkumah lakluh belh an tum zel a, heng zingah hian Manchester City atang Belgium playmaker Kevin de Bruyne, 32, pawh a tel. (Mirror)
Barcelona chuan Manchester City hnenah Portuguese player pahnih Joao Cancelo, 29, leh Bernardo Silva, 28, te chu loan a hawh phawt a, nakkum nipui a lei ngheh theihna neih an dil. (Sport)
Paris St-Germain leh France forward Kylian Mbappe, 24, chuan Real Madrid a zawm hma in loan a Premier League club season khat chhung zawm a inhuam. (Mirror)
Chelsea in Brighton midfielder Moises Caicedo chu lei tumin tan an la thar leh dawn a, kum 21 mi hi Seagulls in Rayo Vallecano nen friendly an khelh tumin an telh lova, hei vang hian Blues in beiseina thar an nei. (Telegraph)
Burnley chuan Aston Villa midfielder Aaron Ramsey, 20, chu Pound maktaduai 12 in lei dilna thar an siam a, Manchester United atang Spanish left-back Alvaro Fernandez, 20, pawh loan a hawh an duh. (Daily Mail)
Crystal Palace chuan loan in ayer Leverkusen leh Ivory Coast defender Odilon Kossounou, 22, an hawh anga, Pound maktaduai 24 in lei ngheh theihna an nei ang, Eagles hian Chelsea leh England Under-21 left-back Lewis Hall, 18, pawh an ngaihven. (Daily Mail)
Real Madrid chuan tun nipuiah Kylian Mbappe an lalut thei dawn lo a nih chuan Juventus striker Dusan Vlahovic chu a aia lakluh turah an dah a, Los Blancos hian no.9 thar neih ngei an tum. (Cadena Ser)