ZPM President Lalliansawta chuan MLA inthlanpui neihah result puan la ni lo mah se, sorkar ngei an inrin thu a sawi.
Nimina an party pisa-a chhung inkhawmah thu ZPM President Lalliansawta chuan, inthlanpui vawi hnih an hmachhawn tawh hnuah chuan sorkarna chan te an beisei ta tih sawiin, “A party zawng chuan naupang hle mai ila, ZPM kan dintirh te ka ngaihtuah let a, party hrang hrang awmkhawmin, politics-a la inhmang ngai reng reng lo te, a then tawnhriat tam tak lo nei tawh te kan kalkhawmin kan awmkhawm a; buaithlak viau tura ngaih a nih laiin, buaina kan nei reng reng loa kan kal dan hi a fuh hle a ni,” a ti.
Pathianin ZPM a kaihruai nasa a, kawng a kawhhmuhna kawng an zawh chu a fuh hle tih sawiin Lalliansawta chuan, “Candidate kan puang hma ringawt pawh kha a ropui em em a ni. Thalai te, naupang te, taxi khalhtu te leh mi chi hrang hrang, mi zawng zawng mai hian ZPM kan tuipuiin kan ngaihven thup mai te hi Pathian malsawmna leh enkawlna a ni,” tiin, tlang hrang hrangah candidate te ei hek lo a, a petu zawka an tang te chu lawmawm a tih thu a sawi.
Party Leader tha tak Pathianin a pe tih sawiin ZPM President chuan, “Pa-in a fate a enkawl ang deuh hian ka hmu a, a thawk rim em em a, pa nih hi a tlin takzet a kan vannei em em bawk a ni,” a ti.