Real Madrid in point an hloh a, La Liga table chungah la awm mahse lehpelh theih niin Real Betis nen 1-1 a an inhnehtawk avangin Girona tan tun kartawpah khum theih an ni.
Inrinni zana Estadio Benito Villamarín a La Liga inkhelah Real Madrid tan kum 20 mi Jude Bellingham bawkin goal a khung a. Second half-ah minute 53-naah Brahim Diaz ball pek tha atangin tun season a a goal 16-na a khung.
Mahse Real Betis in minute 66-naah an sut a, penalty area pawn atangin Aitor Ruibal chuan goal mawi a khung a, point khat an hlawhchhuak.
Nizan a Barcelona nena inkhel Girona in hnehna an chan chuan Real Madrid hi an khum leh thei ang.
Madrid manager Carlo Ancelotti chuan, “Inkhel inhnehtawk tak a ni a, team pahnihte an kheltha ve ve. Inkhel kan thunun that viau laiin goal kan chhuah a, mahse kan result erawh sawisel vak theih a ni lo. Betis inkhel thlir khan tlawm an phu bik lo a ni.” tiin a sawi.