Netflix chuan January 2022 khan ‘All Of Us Are Dead’ tiamin Korean original 25 phochhuah a tum thu a puang a, hemi kal zleh January 28 khan OTT platform kaltlangin, ‘All of Us Are Dead’ chu a tlangzarh ta a, lemchan khawvelin mit tla lek lekin a thlir nghal.
Hetah hian Park Ji-hu, Yoon Chan-young, Cho Yi-hyun, Lomon, Yoo In-soo, Lee Yoo-mi, Kim Byung-chul, Lee Kyu-hyung leh Jeon Bae-so te’n an chanpual hneh takin an hlen vek, a tih theih awm e.
La en ve lo te tana en ngei ngeina tur chhan langsar panga (5) tarlan a ni ang.
Zombie tai darh hukna awm
Zombie kaihhnawih tarlanna film leh series en tur a tam lem lo hle. South Korean film, ‘Train to Busan’ kha zombie-horror film hmuhnawm taka kan en kha a ni deuh mai. Chuvang chuan, ‘All Of Us Are Dead’ hian kan hmuh zen zen loh min hlui miau mai a, hmaih a thiang lo. Hmet sawn suh.
Thinlung taka pawhna
Horror movies leh series angah hian a châng chuan a siamtute hian entute hlauthawng taka siam mai bakah thinlung taka story zuk pawhna leh emotional angle-a thlekpui theih dan tur an ngaihtuah chhuak thiam hle. ‘All of Us Are Dead’ ah pawh hian hlauh-awm ringawt ni lovin, emotional taka i khukpui theihna tur zeh tel nual a ni a sin.
Sikul naupangte zingah Zombie
A tlangpuiin, Zombie horror-ah te hian thalai leh puilting lam hmuh tur an awm zawk thin a, mahse hetah hi chuan sikul naupang ho bulah a taidarh tlat mai. Hei hian taste dangdai leh danglam tak a siam a, en tui laklawh a awlsam hle.
I bur chat dawn chiang
Hlauthawng taka a siam mai che bakah ‘All Of Us Are Dead’d hian chechang lek lovin a siam dawn che a, i bur chat dawn. Episode 12 awmna hi vawikhat thil thu ah pawh i en tluan zak thei tlat. Episode dang en chhunzawm ngei ngei tura turna mak tak khan i taksa pum a tuam chhuak ang. Engnge lo thleng leh dawn, tih hriat châknain i khat dawn.
Netflix-a Korean show hit ber pahnihna!
Nikum khan Korean series ‘Squid Game’ in khawvel mipui a barakhaih hle a nih kha. Tunah pawh hian ‘All Of US Are Dead’ hmangin ram zauh belh a tum ta a, lemchan khawvel titi lian ber a ni chho leh ta.