Bundesliga hmahruaitu Bayern Munich chuan chance \ha engemaw zat an hloh zanah Hoffenheim an hneh zo lova, 1-1 in an inhnehtawk.
Bavarians hian goal ban an pet per bakah goal khungna remchang dang an hloh hnem a, league-ah a zawna vawi hnih draw result an neihna a ni.
Record ni tura a zawna vawi 10 league title lak tum mek Bayern Munich hi kar hmasa khan Bayer Leverkusen nen an inhnehtawk tawh a, league bikah an inkhel hnuhnung panga a\anga vawi hnih chiah hnehna an chang.
PreZero Arena-ah hian Hoffenheim tan Christoph Baumgartner chuan minute 32-naah goal a khung a. Bayern tan Thomas Muller chuan vawi hnih goal khung mahse offside avanga pawm a ni lova. Halftime dawnah Joshua Kimmich corner chu Bayern top scorer Robert Lewandowski chuan a tauh lut a. Tun season-ah league goal 29-na a khung tawh.
Bayern hian second half-ah Lewandowski hmangin goal an khung leh a, mahse hei pawh offside avanga pawm a ni lo leh thova. Serge Gnabry chuan goal ban pet perin Jamal Musiala chuan a chakpui teuh hle bawk.