Aizawl: Champhai District NGO Coordination Committee chuan Conservator of Forests (Eastern Circle) thiah leh sawnna order chu July, 2026 ral hma ngei a sut turin Mizoram sorkar an phut.
Champhai District NGO Coordination Committee chuan Nilaini khan thuchhuah siamin, Mizoram sorkarin Conservator of Forests (Eastern Circle) Champhai a awm sa thiat a ,Conservator of Forests (Working, Plan, Research and Development) ti a thlaka Aizawl a sawn a ni chu Champhai district mipuite’n pawi an tiin a thawng hle tih an sawi a.
Sorkar kal tain harsa tak leh duhsak taka Conservator of Forests (Eastern Circle) Champhai a lo pek tawh heti mai a sawn sak leh an ni chu Champhai district mipuite tham lohnaah an ngai tih sawiin, Conservator of Forests (Eastern Circle) thiah leh sawnna order hi July 2026 ral hma ngei a sut turin Mizoram sorkar an phut a, order hi sut a nih loh chuan a tawp thlengin Champhai mipui ten an do tlat dawn tih an sawi bawk.