LPS Vision Production buatsaih Youth Icon 2026 chu nei turin inbuatsaihna a awm chho mek. Audition round chu Virtual in neih tur a ni a, zai intihsiaka tel tumte chuan October 1-24, 2026 chhungin mahni zai video theh luh tur a ni.
LPS-in an tarlan danin, Youth Icon 2026-a tel tumte tan hian application form lak chhuah ngai lovin virtual audition neih tur a ni a. Mizo hla chang khat leh a thunawn chu Guitar emaw Keyboard, mahni rem zawk zawk nen sak tur a ni a, mahni zai lai video chu telegram (8132834834) hmangin theh luh tur a ni a; October 1-24, 2026 chhung Video theh luh hun hawn a ni.
Intihsiaknaa tel turte hian hla record nan phone camera chauh an hman phal a ni a, video leh audio khawih danglam phal a ni lo a. Video theh lut turte hian an zai tan hmain an hming, veng leh khua, an awmna district a sawi hmasa tur a ni.
Youth Icon first round intihsiakna chu November ni 3, 2026 a neih tan tura ruahman a ni a, November thla pumin intihsiakna hrang hrang hi neih a ni dawn a ni.
TV Reality Show Youth Icon hi tum sarih buatsaih a lo ni tawh a, mipui ngaihhlut a hlawh thin hle a, a bik takin kum 2024-a Youth Icon neih kha a hlawhtling zual hle a, a thlipui tleh pawh na tak a ni.