Aizawl: Mizoram Art Development Society leh Information & Public Relations Department te tangkawp buatsaih Annual Art Exhibition 2026 chu Thawhlehni khan Lianchhiari Run Conference Hall-ah I&PR Director Mina Zoliani Joute chuan a hawng.
He exhibition hawnna inkhawmah hian khuallian Mina Zoliani Joute chuan thu sawiin, Mizo artist-te chu khawvel hmaa Mizo hnam ziarang pho lang leh vawnghimtu pawimawh tak an nih thu a sawi a. Art hmasawnna chu ram hmasawnna tehna fung pakhat a nih rualin, thangtharte zingah art lam ngaihven leh tui an awm thar zel chu lawmawm a tih thu a sawi bawk.
Exhibition hi November 10 atanga 13 chhung awh tur a ni a, mipui duh apiang tan Lianchhiari Run Art Gallery-ah chawhma dar 10 atanga tlai dar 4 thleng tlawh theih tura ruahman a ni.