Aizawl: Aizawl Traffic Police chuan Inrinni zan dar 9 atanga Pathianni khaw var dawn thlengin Aizawl hmun hrang hrangah ‘Zan Special Drive’ nei lehin dan bawhchhiatna hrang hrang avangin mi 74 man an ni.
Dan bawhchhia man te hi — tlan phal loh zawnga lirthei khalh 24, driving license nei lo lirthei khalh 19, helmet khumlo two wheeler khalh 12, rui chunga lirthei khalh panga, lirthei ri bengchheng pakhat leh dan bawhchhiatna dang avanga man 13 te an ni.
Hunpui vuakveta lirthei chetsualna leh dan bawhchhiat avanga harsatna thleng thin ti tlem turin Aizawl Traffic Police chuan theihtawp an chhuah zel dawn a, dan zawm kawnga tan la thar zel turin mipuite an ngen a. Duty awm remchan lohna hmuna dan bawhchhia, midang tana harsatna thlente chu Traffic Control Room (9366553559 & 0389-2313061)-ah hriattir theih reng a ni.
Hunpui vuakvetah khawpui a lo him zel thei nan chhun/zan special drive hi nasa zawka kalpui zel an tum.