March thla chhung khan Brazil-ah chuan mi 66,570 zetin Covid-19 an thihpui a, a hma chiah thla let thawk an thi.
Brazil-ah hian an damdawi in an indaih lo tak zet a, hri kai hi an pung zel bawk.
President Jair Bolsonaro chuan hripui a hmachhawn danah mipuiin an sawisel nasa hle tawh a. Kar liam ta maiah pawh khan a sorkara mi pawimawh lian tak takin an bânsan.
Heti chung hian tual chhung governor leh mayor-ten an huam china hri inkai darh loh nana inkharkhip an puante chu a la sawisel zui tho.
“Hmelma pahnih – hri leh hna neih lohna kan nei a. Ina tawm ringawt chung hi chuan heng kan buaina hi kan ching fel lo vang,” a ti.
He thil a sawi ni, Nilainiah ngei pawh khan mi 3,800-in hri hi thihpuiin mi 90,000 chuang kai thar an awm bawk a. Brazil-a ni khata thi zat hi khawvel puma coronavirus thihpui hmun lia \hena hmun khat chuang a tling.
Thawhlehniah khan army, navy leh air force chief \heuhte chuan a rualin an hna an bânsan a, hei hi Bolsonaro-an Defence Minister Fernando Azevedo e Silva a bân an duh lohna lantir nana tih a ni.
Bolsonaro leh a minister-te hi sipai hman danah an inlungrual hlei thei lo va. Defence minister hian danpuiin ti tura a tihte tih mai a duh tawk a, president duh ang zawnga khawsak a phal lo.