Mizoram Football Association hnuaia district hrang hrangte cup inelna GIG Motors 20th MFA Cup final chu vawiinah khelh a ni dawn a. FC Vengthlang North leh Kanan FC ten champion an inchuh dawn.
Keifang Centenary Football Field a khelhmek inelnaah hian Inrinni khan semi–final khelh a ni a. Inkhel hmasa zawkah Champhai team FC Vengthlang North in Chanmari FC, Lunglei 1-0 in an hneh a. Lalsawmzela’n inkhel a goal awmchhun a khung.
Inkhel hnuhnungah Aizawl a\anga tel Kanan FC in 3-1 in FC Serchhip Kawnpui an hneh ve bawk a. Kanan tan K. Roluahpuia, Malsawmdawnga leh Vanlalthanga ten first half-ah goal an khung a. Second half-ah Serchhip Kawnpui tan Felix Lalruatsanga chuan goal khat a khung ve bawk.
Final hi chawhnu dar 1-ah an khel ang.