La Liga hmahruaitu Real Madrid tan Karim Benzema chuan penalty vawi hnih a khung a. Hattrick siam thei a nihlaiin penalty vawikhat khung lo mahse a team in an chakpui thova, 2-1 in Celta Vigo an hneh.
Estadio Municipal de Balaídos a La Liga inkhelah mikhual team tan Benzema hian minute 19-naah Nolito penalty chawi chu a khung.
An mualah Celta Vigo an khel \ha a, Thiago Galhardo chuan an si phurh sutna tauh lut mahse offside avanga pawm a ni lova. First half-ah hian Real goalkeeper Thibaut Courtois chuan save \ha vawi thum a siam hman.
Second half-ah Nolito hmangin minute 52-naah Celta Vigo in goal an khung a. Real in substitute Rodrygo hmangin penalty an hmu leh a, Benzema pet chu Celta Vigo goalkeeper Matias Dituro chuan a save sak a. Minute 5 hnuah full-back Ferland Mendy chuan a vawi thum nan penalty a hlawhchhuak leh a. France striker in tun season a a goal 34-na ni turin goal-ah chiang takin a khung.
“Celta khelmual a inkhelh hi a harsa ziah a, helaiah hian hnehna chang turin thil tam tak kan tawrhchhuah a ngai \hin.” tiin Courtois chuan inkhel zawhah a sawi.
Inkhel dangah champion lai Atletico Madrid in a zawna vawi ruk league a hnehna an channa turin 4-1 in Alaves an hneh.
Wanda Metropolitano a inkhelah Rojiblancos star Joao Felix leh substitute Luis Suarez ten goal hnih ve ve an khung a. Felix hian league inkhel hnuhnung paruk a\ang goal 6 a khung tawh.
Atletico coach Diego Simeone chuan, “Hma a sawn zel a, tunhnaiah a che \ha hle. Amah pawh a lawm a, a lak a\anga kan beisei leh mamawh ang hi a hnen a\ang kan hmu mek.” a ti.