India sorkar ruahmannain ram chhunga state tam zawkah kum 18 chung lamte Covid-19 laka invenna, precautionary ‘third’dose chu pek mek a ni a, Mizoramah erawh mi nawlpui puitlingte hnenah pek chhuah hun tur hi a la hriat loh.
Sorkar laipui ruahmannain April 10, 2022 a\ang khan mi nawlpui, kum 18 chung lam hnenah precautionary dose pek \an a ni a, mi mal enkawl damdawi in a\angin pek chhuah a ni.
The Zozam Times zawhna chhangin National Health Mission (NHM) Mission Director Dr Eric Zomawia chuan kum 18 chung lam, Covid-19 danna dose a bikima la tawhte hnena precautionary dose pe turin hmalak mek a nih thu a sawi a, hemi atan hian mi mal enkawl damdawi inte nen an indawr mek tih a sawi.
Dr Eric Zomawia chuan, “Private hospital-te hi precautionary dose an pek chhuah theih leh theih loh zawh kual mek an ni a, a pe chhuak thei an awm a nih chuan sorkarin kan chahsak ang,” a ti.
State \henkhata an kalpui mek danah chuan precautionary dose hi mi mal enkawl damdawi inah Rs 225 sengin a lak theih a, he dose la tur hian hri danna dose hnihna an lak a\angin thla kua a liam tawh tur a ni.
Precautionary dose hi health-care worker, front line worker leh kum 60 chin chung lam hri danna dose hnihna la tawh hnenah pek chhoh mek a ni a, mi 27,350 hnenah pek chhuah a ni tawh a ni.
April 11, 2022 thleng khan Mizoramah mi 8,38,625-in Covid-19 laka invenna, vaccine an la tawh a, chung zinga mi 6,73,072 (80.25%)-in dose bikim an la tawh a ni.