Aizawl: Jharkhand Mission Field-a Church Court chu Mizoram Synod Moderator Rev. Dr. Vanlalnghaka Ralte-in April 11, 2022 khan a hawng.
Church Court hawnna inkhawmah hian Field Secretary Rev. Dr. C. Lalthanzara’n field report a pe a, Church Court chungchang Rev R Lalhmingsanga, Secretary, Synod Mission Board-in a sawi a; Synod Moderator-in thuchah a sawi.
Jharkhand hi India hmar lam ram, West Bengal, Odhisa leh Bihar ten an rina laia awm a ni a, Mizoram Presbyterian Kohhran chuan kum 1989 khan missionary tîrin ringthar an siam a, an ringthar neihte enkawl leh an hmalâkna umzuiin, Synod Mission Board (SMB) chuan kum 1998 khan a la a ni.
Jharkhand Mission Field hi SMB-in a lak hnu ah April 1, 2008 khan hawn a ni a, tunah hian kum 14 a tling ve tawh a ni.Synod Moderator Rev Dr Vanlalnghaka Ralte hian April 9, 2022 (Inrinni) khan Calcutta Mission Field Church Court alo hawng tawh bawk.