Leicester City in an mamawh hunah tak ‘second half comeback’ an tihlawhtling a. 2-1 in Dutch club PSV Eindhoven lehthal in an club chanchin a vawikhatna atan Europe huap inelna semi-final an lut.
James Maddison leh Ricardo Pereira ten Foxes tan hian second half-ah goal an khung a. Europa Confernece League quarter-final inkhelah 2-1 aggregate in an chak.
Philips Stadion-ah hian first leg-ah Leicester City mualah goal lut lova an inhnehtawk hnuah PSV chan a tha hmasa zawk a. Youri Tielemans tihsual chu remchangah la in Eran Zahavi chuan minute 27-naah Dutch team hmahruaina goal a khung.
He goal hi second half minute 77-naah Foxes in an sut chauh a, Maddison-a’n an goal hmasa a khung hnuah Pereira chuan minute 88-naah chakna goal a khung.
Leicester City hian semi-final ah Jose Mourinho enkawl AS Roma an hmachhawn dawn a, anni hian Norwegian club Bodo/Glimt an paihthla ve thung.
Inkhel zawhah Maddison chuan an team fakin, “Kan club chanchin ropui kan ziah belh zel a, zan duhawm a ni a, kan tlozia khawvel hmuhah kan pholang. Kan tanrualna hi a ropui a, Wesley Fofana kha Ramadan avangin nilengin thil ei miah lo chungin a kheltha tak zet a. Hetianga team tana kan inpekna te hian kan \hatna chiang takin a tilang.” tiin a sawi zui.