Australia-ah heroin $ mtd 140 man man


Australian police chuan an rama tum khata heroin an man tam ber tum tawngin A $ maktaduai 140 ($ maktaduai 104) man vel an man.
Thuneitute chuan an thil man hi kg 450 a ni a, pack 1,290 zet niin a chhinchhiahna danglam tak a senin a awm bawk tih an sawi.
Heroin hi an rama lawngchawlhna lian ber, Port of Melbourne-ah September 29 khan an man tih an sawi.
Officer-te chuan ceramic tile-a siam bawm chhunga an hai chhuah rual hian Malaysian pakhat an man tel tih an sawi.
An mi man hi an rama sumdawnna atana phal lo keng lut leh kawltua puhna thubuai an siamsak a, thiam loh a chan chuan dam chhung tang tura hrem theih a ni.
Uluk taka an endik hnuah heroin ngei a ni tih an finfiah.
Heng heroin hi Malaysia atanga thawn chhuah niin Melbourne-a hralh tura tih a ni a. An chhui zui zelnaah Victorian state khawpuia hmun eng emaw zat an dap tawh.
An thil man thu a puanna assistant commissioner nihna chelh lailawktu, Australian Federal Police-a Krissy Barrett chuan hetiang an man theih chhan hi ram dang police an thawhpuite vang a nih thu sawiin lawm thu a hrilh.
“Royal Malaysia Police (RMP) nen hian kan thawhhona a tha a, a bikin RMP Narcotics Criminal Investigation Department nen hian kan inpawh hle a ni,” a ti.
“Kan ram hnih tichhetu leh dollar maktaduai tel inrawlhna sualna hai chhuak tur hian kan tangdun zel dawn bawk a ni,” a ti bawk.
Commissioner Barrett chuan police-in an chhut dan chuan man chhuak lovin Australia-ah sem darh ni sela chuan kg hnih zelin mi pakhat nunna a la dawn tih sawiin nun tam tak an chhan tih a sawi.
“Hetiang thil lian tham kan man hi a lawmawm piah lamah kan man avang hian nunna 225 vel kan chhan a ni,” a ti.
Kum 2019 khan thuneitute chuan liantham takin ruihhlo hi an lo man tawh a. Melbourne lawngchawlhnaah tho hian A $ tluklehdingawn 1.2 ($ maktaduai 840) man zetm stereo speaker chhunga dah an lo man tawh a. Hemi an chhui zuinaah hian heroin kg 37 vel an man bawk.

Leave a Reply

error: Content is protected !!

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427