HMEICHHE HUANG
Engtinnge i hriat theih ang?
A tirah thisen tlem a lo chhuak ang a, a na deuh vang vang ang. Hei hi a khuhhawnna ang deuh a ni a, chhul chung lam a lo inkhar ang a, mahse hetah hian naute hi a la chhanhim theih. A rang thei ang berin doctor pan la, Damdawi In lama tlan nghal vat tur a ni.
Stage danglehah chuan, Hemi hnu hian a hma aiin thisen a lo chhuak nasa dawn a, a na ngawih ngawih tawh ang. Nngun taka enfiah a ni ang a, kumkuruh chu inkauvin nauchhiatna a thleng ta tih hi awlsam tein a hriat theih ang.
Nauchhiat hian engnge lo thleng?
‘Nauchhiat a ni’ tih chiannan hian a chang chuan kar khat emawte nghah a ngai a, scan neih a ni thin. Thil duhawm lo tak a thleng a nih erawh chuan doctor-in i thutlukna a zawt nghal ang che.
A chang chuan khuarelin a kentel ni awm tak hian thil a thleng fova. Naute hi amahin a lo chhuak mai thin bawk.
Engpawhnise, naupai atanga thla thum chhung hi chuan a theih ang tawka in-uluk tur a ni a, engemaw thil fello a awm hlek pawhin ch-ai mai lova, doctor pan thin hi a finthlak ber tih hria ang che.
A HNU LAM PAWIMAWH
Vawihnih i chhiat chuan doctor chuan i tan kawng tha ber tur a ngaihtuah ang a, chawlhkar 12 hnu lama scan mai tawh lovin, chawlhkar 5-6 naah a enfiah tawh ang che.
Vawithum i chhiat a nih erawh chuan a pawi thui thei viau tawh thin a, hmeichhe lam thiam bikin uluk taka a enfiah a ngai ngei tawh ang.
Heti hi a nih avangin, nauchhiat hnu hian a tlem berah thla thum tal hi chu awl a tha a. Thlatin thi neih hun bi a lo pangai thleng tal hi chuan nghah hram a tha.
German measles an tihte hian nauchhiatna a thlen thei a. Khawsik a nasa viau a nih chuan a rang lama doctor pan vat tur
Nauchhiat hi mahni duhthlanna vangte paw’n a thleng fo tih hriat tur a ni a, khawsak dan leh ei leh inah fimkhur a pawimawh.
Thlawhtheihnaa hi thisen a chhuak emaw tunhmaa nau i lo chhiat tawh chuan fimkhur a tha. In ‘fit’ lova feet 30,000 chung lama thlawhte hi a pawi thei.
Thil rit tak tak khai te, sang tak taka lawn ang chite hi pumpelh hram hram tur.
Ei tur chungchangah chuan ‘listeria’ an tih bacteria chikhat hian hlauhawm a thlen thei a, bawnghnute leh cheese ah te hmuh tur a awm thin. Fimkhur la.
Zu leh zial mai bakah ruihtheihthil tih hian pawi a thlen. Zial hian thisen dawt a tizim a, nu leh naute ah harsatna a thlen thei.