India rama working journalist upa ber, MJA president term thum lo ni tawh, kum 95 mi, Lalbiakthanga Pachuau chu Delhi-ah India president kut atanga Padma Shri chawimawina a dawn hnuin nimin khan Aizawl a lo thleng a, Lengpui airport-ah MJA hruaitu leh member-ten an lo hmuak.
President-in Padma Award a sem dawngtu zingah Mizoram atangin Padma Shri dawngtu, Lalbiakthanga Pachuau bakah C. Kamlova leh B Sangkhumi te an tel bawk a. Nikum lama dawng tura puan tawhte pawh hri leng avanga hlanna hun buatsaih theih a nih tak loh avangin tun tumah hian chawimawina hi hlan an ni a, nikum lama hlan theih a nih loh avanga an tam tham deuh avangin Padma Award hlanna hi hun hran hrana buatsaih a ni.