Mizoram State Disaster Management Authority-in February 1–15, 2022 chhung atan COVID19 CAB No Tolerance Drive a puang a. Home secretary chairman-na hnuaiah COVID-19 Task Group on Monitoring of CAB & COVID19 Restrictions- a din bawk.
Task Group on Monitoring of CAB & COVID-19 restrictions chuan nimin khan Mizorama district tina bawrhsap leh SP te lehkha thawnin February 1–15 chhunga COVID19 CAB No Tolerance Drive chu khauh taka kalpui turin a hriattir a. District administration, police leh VLTF/LLTF etc., te chu theihtawpa tanghova hma la tura hriattirin, district tina disaster management authority te pawh an bial chhunagh executive duty te tuai thar leh turin a hriattir.
LLTF/VLTF kaihhruaina hnuaiah khua/veng tinah an bial chhunga CAB tha taka zawm a nih theih nan CAB implementation committee din tura ngen an ni a. Inkhawmnaah CAB tha taka zawm a nih theih nan kohhran tin hnenah CAB implementation committee din turin a ngen bawk a ni.