TECH TONIC
Realme C35
Realme chuan a kutchhuak thar ber C35 chu February 10 hian Thailand-ah a tlangzarh dawn ta a, nikuma India-a tihchhuah C25 chhut-zuina tur hi India-ah tlangzarh thuai beisei a ni.
Hriat theih chinah Realme C35 hian 6.6-inch full HD display a nei dawn a, Unisoc T616 chipset hmanga thuam tur ni bawk hian 4GB + 64GB leh 4GB + 128GB storage a nei ang.
Realme C35 hian triple camera setup tha zet a nei dawn a; 50-mega-pixel main camera, 2-megapixel macro leh 2-megapixel B&W lens hmuh tur a awm. Selfie ngaina tan pawh chanchin lawmawm a lo thleng ta a, 8-megapixel Sony IMX355 senso fuhzet in a mikhual thin ang che.
Battery chungchangah pawh thlaphan tur a awm lo. 5,000mAh battery, 18W fast charging mil thlap a chhawm tel dawn avangin vawi khat i charge full tawh chuan a lo berah ni khat chung na na na chu thlamuang takin i hmang thei ang.
Android 11 leh Bluetooth 5.0 nena kalpui Realme C35 in India ram a lo thlen hunah chuan Rs 13,150 man a nih beisei niin, budget phone ngaihven tan lei chat a sual lovang.