Brazil vs Argentina khelh that tir dawn

Nikum September a Brazil leh Argentina ten Qatar 2022 World Cup qualifier an khelh tur Brazilian hriselna lam thuneituten an \hulh tir chu khelh \hat leh turin thutlukna an siam.
Sao Paulo a inkhel tur hi khelh \an a nih hnu reilote ah Brazilian medical official te chu khelmualah lutin inkhel an titawp a. Argentina player-ten Covid 19 chungchanga ram inkaihhruaina dan chu an zawm lo nia an ngaih avangin inkhelh tir an pha lo.
Inkhelh \hat leh hunah hian Premier League a khel player pali an tel ve thei dawn lova, anni hi an thiltih dan avangin match hnih hremna pek an lo ni tawh.
FIFA chuan hemi chungchang hi uluk taka an ngaihtuah hnuah thutlukna an siam a. Ram pahnihte hi inkhel leh ngei se, player pali hrem an nih bakah pawisa chawitir an ni bawk.

Tute nge an hrem?
Argentina team-ah hian Aston Villa a khel player pahnih goalkeeper Emiliano Martinez leh attacking midfielder Emiliano Buendia te leh Tottenham player pahnih centre-back Cristian Romero leh loan a khel mek midfielder Giovani Lo Celso te hrem an ni a. Anni pali hi FIFA Return to Football International Match Protocol an zawm loh avanga hrem an ni.
Intermational match hnih khel lo tura hrem vek niin March thla a Venezuela leh Ecuador te hmachhawn lo tur an ni a. Mahse Brazil nena an inkhel tur hi a hun tur ruat a nih dan a zirin an khel thei dawn lo tihna a ni.
He thil thleng avang hian Brazil hi Pound 440,000 chawi tir niin Argentina chu Pound 200,000 chawi tir an ni ve thung a. Inkhelh hun tur sawn kual a ngaih avangin khelh hmabak an la neihte a nghawng dawn bawk.
Nimahsela ram pahnihte hi Qatar 2022 atana an tlin ve ve tawh avangin an dinhmun erawh thui taka nghawng tur a ni dawn lo thung.

Leave a Reply

error: Content is protected !!

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427