HRISELNA HUANG
Thisen pek dawna i hriat châk – 5
- Robert Zoliana
Thisen pek hi a him tak tak em?
Tehreng mai. Hriau leh bag thianghlim hman a ni a, hman zawh veleh paih nghal a ni thin a, Hei hian a petu leh dawngtu tan natna inkaichhawn theih-na lakah a veng thei.
Thisen pe thei chin min hrilh thei em?
Thisen pe tur chuan i hrisel that a ngai a, kum 17 tal chu i tlin ngei ngei a ngai bawk ang. Taksa rihna pawh pound 110 (Kg 50) tal a tlin a ngai ang. Tin, chawlkar riat kalta chhung khan thisen i pek loh a ngai bawk. Thil dang ngaihtuah tel ngai bawka chu- Malaria i nei a nih chuan a lo berah kum thum emaw tal chu i nghah a ngai ang.
A kalphung tlema zâwng a hriat theih em?
Vawi hnih chhun/vih zeuh kha a ni mai. Pakhat hi kut hmawrah a ni anga, pahnihna hi a hnu-a thisen an lakchhuah khan a ni ang.
Thisen pe turin tling ta lo i la, engnge ka tih theih?
Thisen pek that zia leh pawimawh zia uar takin i sawi thei a. India ram angah phei chuan thisen petu hi mak tak maiin, an la tlem hle a ni. Thian za ho angin emaw pawl ang te pawha hma lak a, thisen pek uar chungchangah awareness campaign a neih theih.
Hripui leng karah pek theih a ni em?
Pek theih tehreng mai. Pawl angin emaw mimal ang paw’n blood bank-ah hian pek theih reng a ni a, SOP hnuai ah fimkhur taka kalpui theih reng a ni, tih i hre dawn nia.