Lisbon khawpuiah Manchester City in record an siam

Premier League champion Manchester City chuan quarter-final a an hmun an tichiang tluk a ni tawh a. Thawhlehni zan UEFA Champions League round of 16 inkhelah Portuguese club Sporting Lisbon chu 5-0 in an sawp.
Estádio José Alvalade-ah City hian tun season a an tih fo angin football hlauhawm tak an khel a. An khingpui Portuguese champion lai hi inelna hrang hrangah che \ha ni ve mahse City hma a ding tur chuan an ruh a la no deuh tih chiang takin a a hmuh theih a. An tan City pawhthlak lehna beisei a sang tawh lo.
An rama a kirleh zanah City midfielder Bernardo Silva a par vul a. Amah bakah Benfica player hlui pathum te chuan ball an khawih apiangin Sporting fans ten an deu a, mahse Silva hian an goal hnihna leh goal li-na a khung a. A goal khung hmasa zawka a ‘volley’ a cial tak zet.

A goal mawlh mawlh
Manchester City tan tunhnaia che \ha tak Riyad Mahrez chu a khuhhawngtu niin minute 7-naah goal a khung a. He goal hi Kevin de Bruyne a offside em tih uluk taka enfiah a nih hnuah pawm a ni chauh.
Silva hmanga an khung belh hnuah Phil Foden chuan goal hmaah a chiai ngai loh lantirin an goal thumna a khung a. Halftime dawnah Silva bawkin a goal hnihna a khung.
Second half-ah City inkhel a danglam lova, Silva chuan hattrick a siam nia a lanlaiin a goal khung pawmsak a ni lo. Mahse an goal hnuhnung berah inrawlh thovin Raheem Sterling goal khung tur a siamsak ve leh bawk.
City manager Pep Guardiola chuan, “He inelna hautakzia hi kan hria a, goal hmaah kan hriam a, chuvangin kan result-ah ka lawm tak zet a ni. Kan goal kan venghim \ha a, kan tan result duhawm tak a ni.” tiin a team a fak.

Record an siam
Manchester City hian UEFA Champions League chanchin a knockout stage a first half a goal khung hnem ber an ni a, goal li an khung.
Hei bakah hian UCL chanchin a away hnehna sang ber chu an tluk chiah bawk a. Hei chauh hi ni lovin knockout stage-ah a zawna away inkhel vawi nga chak hmasa ber an ni bawk.
Man City hi Champions League a goal 200 khung tling thei team 14-na chiah an ni a, 200 tling tur hian game 97 chiah an mamawh a, UCL a goal 200 khung tling rang ber an ni.

Leave a Reply

error: Content is protected !!

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427