Zirna ina hnam lâm zir theihna tur sawipui


Central YMA hruaituten nimin khan Education Minister Lalchhandama Ralte chu a pisaah kawmin zirna sikulah Mizo hnam lâm zirtir a nih theih nana hma la turin an ngen.
Nikum December 16-a YMA General Conference, R Dengthuama Hall, Aizawla neihah khan an thurel zingah ‘Zirna school-ah Mizo hnam lâm zirtir a nih theih nan sawrkarah thlen ni rawh se’ tih a tel a, hemi bawhzui hian Central YMA hruaitute chuan education minister hi an hmu a, an thurel a hlawhtlin theih nana hma laksak turin an ngen.
Education minister chuan hemi chungchang hi a tih theih dan tur zawnga sawihona zau zawk pawh neih a tul thu sawiin, a theih chin chinah hmalak a nih tur thu Central YMA hruaitute hi a lo hrilh.
YMA General Conference-a an thurel zinga mi tho, ‘Zirtirtu mahni post-a awm tha duh lote hi an post-a an awm theih nan Central YMA-in hma la rawh se’ tih an bawhzuina kawnga tawiawma hmalakpui turin Central YMA hruaitute chuan minister hi an ngen bawk.

Leave a Reply

error: Content is protected !!

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427