Kuhva rah tawlh danna turin Serchhipah check gate hawng


Mizoram sorkarin Myanmar atanga dan lova kuhva rah tawlh ruk dan nana Serchhip, Sailiamkawna check gate a siam thar chu nimin khan hawn tan a ni.
Sailiamkawna police check gate hi Serchhip SDPO Kaste Romalsawma’n a hawng a, dan lova tawlhruk kuhva leh a kaihhnawih ruihhlote pawh tun hnaiah an lo man fo tawh thin thu sawiin, hemi do let tura check gate mumal tak leh thawktute dah an nih takah phei chuan nasa leh zuala an beih ngei tur thu a sawi.
He hun hmanpuitu, Central YMA President R Lalngheta chuan dan lova kuhva rah tawlh ruk dan nan a tiluite lo manna tura check gate siam tura sorkara ngenna an thlen khan check gate changtlung tak aiin check gate rintlak siam an duh thu an thlen tih a sawi.
R Lalngheta chuan check gate hawn thar chu duty post ropui leh tha tak aiin Mizoram leh hnam damna thlen thei check gate ni se tih chu YMA duh dan a nih thu a sawi a. Police duty-te pawh YMA duh dante hriatsak hram tura a ngen bakah he check gate hi police hmel thar tilangtu lo ni se an duh thu a sawi bawk.
Sailiamkawna police check gate hawnna hunah hian Central YMA hruaitu eng emaw zat an tel a, Fin. Secretary Roneihthanga leh Serchhip Sub Hqtr. YMA President Kawlthuama ten thu an sawi bawk a ni.

Leave a Reply

error: Content is protected !!

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427