Kawng laihna sum ei ve-ah puh, session kaihruai tlak lova an ngaih thu thlen


ZPM leh Congress Legislature Party-in Assembly Speaker Lalrinliana Sailo chu Ngaizawl kawng laihna atanga Rs. nuai 100 a lo ei ve nia hriat a nih avangin session kaihhruai tlakah an ngai lo tih House Leader Zoramthanga hnenah an thlen.
Legislature party member-te chuan nimin tlai khan Chief Minister Zoramthanga chu a pisaah hmuin ngenna lehkha an thehlut.
Tun hnaiah Ngaizawl kawng laihna sum atangin Rs. nuai 100 zet Speaker Lalrinliana Sailo-in a lo ei ve tih hriat a ni tih leh hetiang hian hmun danga contract hna atangte pawhin chanvo a nei nual nia hriat a ni bawk tih an tar lang.
Hemi avang hian Lalrinliana Sailo chu Mizoram rorelna sang ber kaihruaitu ni tlakah an ngai lo tih an lehkha thehluhah hian tar langin, a hnuaia rorelna kalpui chu house zahawmna tihbawrhbannaah an ngai tih leh house zahawmna vawn nun zel a nih theih nan session chu dy. speaker-in kaihruai mai se tiin an lehkhaah hian an tar lang a ni.
An lehkha thehluhah hian Congress Legislature Party Leader Zodintluanga Ralte leh ZPM Legislature Party Leader Lalduhoma ten an hming an ziak a ni.
Lehkha an thehluh zawhah chanchinbumiten an ngenna chu tihhlawhtlin ni lo ta se session-ah an tel zui dawn em tih zawhna chu chhangin CLP Zodintluanga Ralte chuan, “Ngenna kan thehlut phawt a, kan ngaichang ang a, kan hotute kan rawn ang a, kan kal zel dan tur chu kan la ngaihtuah ang chu,” a ti.

Leave a Reply

error: Content is protected !!

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427