2022 Maruti Suzuki Baleno tlangzarh fel ta

AUTO CORNER
by Ruata

2022 Maruti Suzuki Baleno tlangzarh fel ta

India ram lirthei company lian leh hlun tak, Maruti Suzuki chuan an premium hatchback Baleno chu hmel thar nen an rawn tlangzarh leh ta a. Rs. Nuai 6.35 – 9.49 man inkar (ex-showroom) a ni dawn a ni.
2022 Maruti Suzuki Baleno hi book duh tan company chuan an tlangzarh rual hian booking an hawng nghal a. Baleno thar tan hian Maruti subscription scheme hnuaiah offer pawh a awm dawn a. Hei hi Rs. 13,999 atangin a intan dawn a, hei hian vehicle registration, maintenance, insurance leh road side assistance te a kengtel dawn.

A pawn lam
2022 Maruti Suzuki Baleno hi a design lamah chuan styling bikah a inthlak nasa hle a. A hmalamah hian a hma aia lian leh arh zawk honeycomb-patterned ‘NEXWave’ grillea nei a. Hei hian silver accent neiin a hmalamah hian wraparound headlamp thar a rawn nei bawk a ni. Hei bakah hian a bonnet hi a hma aiin a thep zawk dawn a, bumper profile thar leh fog light housing thar te a nei a ni. A projector headlamp pawh hi a hma aiin a hlai zawk a, three element LED Daytime Running Lamp (DRL) thar a nei a, hei hi Nexa lirthei lo awm zel tur pawhin an rawn neih zel tawh hmel a ni.
Baleno thar hian 16 inch alloy wheel thar a nei a, a tukverh hnuaia chrome strip awm phei chu a hma aiin a sei a ni. A hnunglamah hian C-shaped LED tail-light a nei a, bumper thar a nei bawk a ni. Maruti Suzuki Baleno tharah hian rawng chi 6 – Arctic White, Splendid Silver, Grandeur Grey, Nexa Blue, Opulent Red leh Luxe Beige a awm dawn.

A chhunglam leh kentel tur hrang hrang
2022 Maruti Suzuki Baleno hian three layered dashboard design thar a rawn nei a. A top model-ah chuan a dashboard-ah hian black top a awm tel bawk a, a laiah silver accent leh a hnuaiah dark blue mawi taka inchaw htawnin an duang a ni. Dark blue theme hi a kawngka leh a seat rawngah te a nei bawk a. A chhung design hi Maruti Suzuki lirthei vek S-Cross, India ram pawna an hralhchhuah zawk nen a inang viau a ni. Hetiang chhung mawi leh dak nalh lehzual hi Maruti Suzuki Brezza thar lo chhuak tur pawhin a neih a rinawm a ni.
Baleno hian steering wheel thar a nei bawk a, Swift nen a inang dawn a ni. Hei bakah hian a hma seat thar, climate control thununna tur switchgear thar, instrument cluster design thar S-Cross-a mi ang te a nei bawk.
Kan tarlan bakah hian technology hmanraw changkang hrang hrang 9.0-inch Smartplay Pro+ free-standing touchscreen infotainment system with Android Auto, Apple CarPlay & Amazon Alexa support, voice command support, ‘Suzuki Connect’ connected car tech, heads-up display (HUD), 360-degree camera, tilt & telescopic steering adjustment, auto dimming IRVM keyless entry & go, automatic climate control leh Arkamys surround sound system te a nei ang.

A khawl leh thildang
2022 Maruti Suzuki Baleno hian 90hp power pechhuak thei, 1.2-litre, four-cylinder DualJet K12N petrol khawl a hmang a. Transmission lamah chuan 5-speed manual emaw 5-speed AMT automatic gearbox emaw te duhthlan tur a nei a, hei hian a lo chhuak hmasain CVT unit a human thin chu a rawn thlak a ni. ARAI in a tui hehzawng a tehnaah chuan manual gearbox hmang zawk khawl hian petrol litre khatin km 22.35 a tlan thei a, AMT chuan km 22.94 a tlan thei thung a ni.Maruti chuan Baleno-ah hian suspension set up thar an dah a, hei bakah hian a ke paliah 14 inch disc brake a hmang vek ang.

A elpui tur te
A hma ang thoin a lirthei milpui premium hatchback dang ho Hyundai i20, Tata Altroz, Honda Jazz, VW Polo leh Toyota Glanza te a rawn el chhunzawm hmel a. A man (ex-showroom) Rs Nuai 6.35 – 9.49 inkar a ni tur hian a elpui dang tam tak te aia tlawmin a lei theih dawn tih rawn tichiang a.
Hei hi Maruti Suzuki Baleno market lama a chet that zawt theihna tur a ni awm e. Engpawhnise, India ramin passenger car huanga a duh leh lei tam ber mai Maruti Suzuki company atangin premium hatchback changkang leh mawi tak Baleno chu a aia changkang leh tunlai lehzualin Maruti chuan an rawn tuaithar a ni a, he Baleno thar hian lirthei leitu tam tak a hip ngei dawn e.

Leave a Reply

error: Content is protected !!

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427