Formula 1 season thar atana team te inbuatsaihna chu kalpui \an a ni a. Ni thum awh tur pre-season testing chu Nilaini a\angin Barcelon-ah an kalpui.
F1 danah team ten car thar enchhinna hun tur bik an nei a, pre-season ah ni thum an enchhin thei a, season laihawlah leh thlasik laiin car enchhinna hi kalpui leh theih a ni.
Tun season-ah technical rules thar hman a nih dawn avangin team tin ten car thar, tunhma a car a\anga danglam tak an hmang vek a. Circuit de Barcelona-Catalunya tlankawngah an car thar enchhinna an nei uluk.
Ni khatah chawhma leh chawhnu ah te testing hi neih tur a ni a. Nilaini chawhma lamah Ferrari car khalhtu Charles Leclerc chu a tlan chak ber.
Pre-season testing-ah erawh tlan chak in awmzia a nei lova, team tinten an car tlanchak dan an thup \hen zawk \hin a, an ngaih pawimawh chu an car tlandan, nungchang zirchian leh a rintlak dan endik te a ni.
Red Bull khalhtu world champion Max Verstappen leh Ferrari ten lap 80 ve ve tlanin harsatna an nei lova. Mercedes driver thar George Russell pawn lam 77 a tlan.
Team lian zawkte an tlan tluan laiin Alfa Romeo car-ah thlak ngai a awm nghal a, test driver Robert Kubica chu lap 9 chiah chawhmaah a tlan a. Haas driver Nikita Mazepin pawhin coolant leak a neih avangin lap 18 chiah a tlan.