- Robert Zoliana
Fa neih hnu a nupa nun (sex) hman leh theih hun chungchangah zawhna leh buaina a tam thin hle. Eng-tikah nge ni a, engtia bultan tur nge tih hi nu leh pa thar te tan luhaina tham a tling fo bawk. Engpawhnise, a hnuaia inkaihhruaina te hmang hian i chian lohna leh buaina chinfelsakin a awm ang:
Eng hunah nge ni ang?
A hmasa berah chuan serh atanga thil chhuak a awm tawh loh hun nghah kha a ni a, a tlangpuiin nau neih atanga chawlhkar thum hnu lamah chuan a pangngai tawh. Thil chhuak a la awm a nih chuan chhung lama hliam emaw, hliam dam chho mek a awm tihna a ni a, heti ang huna nupa nun hman hian infection te pawh awm thei a ni. Nau neih hnu a serh \hui a nih chuan a dam fel hun nghah tur a ni ang.
Chau leh mut kham loh buaina
Nau piang hlim enkawl leh buaipui hi a luhaithlakin, a chauh theih hle a, zawi ngawih ngawihna tham a tling. Zan lamah men rei hun te a awm a, chu chuan taksa chau a thlen rang viau. Chuvang chuan, nupa nun hman leh hun tur ngaihtuah thin pawh ni mah ula, harsatna neuh neuh hi a lo awm leh thin. A tha berah chuan, rilru-a awm tlang taka in hrilh tawn hi a ni a, remchan dana duat taka inpawm/inkuah/inchul lam te uar chho ang che u.
Nupa nun hman huna kawnghmang
Heti ang hian nau neih hnu-a nupa nun hman dawna hriat makmawh te tarlang zui ila:
Inchul nel hun neih that a ngai
Nau neih hnu hian hmeichhe tam tak chu an phur lo nghal thin a, châkna an nei tlem. Hei hi thil pangngai tak a ni a, ngaihthatlohna tur a awm lo. inchul nel a, duat taka in hnaih thin tur a ni ang. Hmanhmawh lovin zawi zawiin tan tha leh ula, heti anga inchul nelna leh inhnaihna a awm na na na chuan nupa nun a lo parchhuak veleh mai thin a ni.
Pelvic execise mawlh kha!
Dam chiang deuh taa i inhriat tawh chuan zawi muangin serh leh a vel thahrui te tichak tura pelvic floor exercise kalpui a tha. Hei hian i taksa leh rilru a khalh fuh thei ang.
Pasal te nena inpawhna tha neih
I pasal lakah khan rilru leh thinlung takin inbunruak thin la, i duh dan leh tha tih dan te tlang takin, zahawm bawk siin sawipui thin ang che.
Thil dang pawh hman a pawi lo
Nupa nun tak tak hmang turin i la inpeih tâwk lo a nih chuan kawngdang te pawh zawn a tha. Nupa nun hi duhsak taka nawmna infah tawnna a ni a, lungawina leh lawmna thlen thei tur chi dang dangte pawh a awm kha…
Lubricant hman a tha
Nupa nun hman huna nawm lohna leh hrehawm riaua hriatna i neih chuan a tul dan azirin lubricant hman a tha. Nau hnute pek laia serh ro a awm thin vang a ni.
A hun thlan thiam
I chauh loh lai te kha chuh ve deuh te pawh a ngai ang. Nausen \ap leh tihbuai loh hun te pawh zawn a, melh ve deuh tur a ni ang. Dawhtheih a ngai hle.
I hriselna vawng uluk la
Chaw tha ei a pawimawh dawn a, thei tui emaw tui hunbi nei taka in tam a ngai ang. I tâwt deuh ut ut a nih pawhin engtik hunah emaw chuan a reh/ziaawm ve mai turah ngai tlat ang che. Chhun lamah te pawh reilote muthilh zuai te pawh a tha. Naute a muhil tam/tha a nih phei chuan in nupa khan hun tha leh remchang in insiam tam thei dawn a ni.