Eptu party pahnih member-ten rorel neih tan hmaa house an chhuahsan chungchangah House Leader Zoramthanga chuan eptu member-te chu sawi fel tur a awm a nih chuan house-ah innawr lo a, court-a kal turin a ti.
House leader hian eptu member-te hian a hma ni tlaiah a pisaah lengin lehkha an dah tih sawiin, “An lehkha rawn dah piah lamah an sawi ber chu, kan speaker hi Ngaizawla hna chungchangah mawi lo taka inhnamhnawih a ni tihnaa, ‘audio/sound record kan nei a. Chuvangin, hemi hi chuan min kaihruai tawh lo se la, a kaihhruaina hnuaiah kal lo ila’ an ti a, chu chu an rawn sawi ber chu a ni,” a ti.
Zoramthanga hian, “Vawinah kan speaker lakah audio record eng emaw a awm avanga a tuartua kan dah dawn chuan, naktukah ka chet dan dik lo tih record a lo awm ang a, a tukah kan eptu group leader-te pawh, minister hluite in nia, hman thil a rawn chhuak zel ang a, tawpin tai awm loin a kal dawn a ni,” a ti a. Sorkar hmasa hun laia thil thleng vawiinah tute emaw aw record atanga tharthawh a ni chu an sawi tlai mah mah nia a hriat thu a sawi.
“Chief minister ka nih hnu pawhin, kumin kumtir lamah thubuai rip tak ka neih chu a fel chauh. Kha kha tu audio record a ni lo a, court-te inrawlha thutlukna siam a ni. Chuti khawpa chiang a ni. Pu Hawla pawhin thubuai a nei tho. Mahse, court-in thutlukna a siam a, a thiam lo a nih chuan, house-ah tu complaint mah a ngai lo. Thiam loh chang ila ka resign a ngai ang. Pu Hawla pawh thiam lo se a resign a ngai ang,” tiin, thubuai an siamsak dawn tih pawh ni lo, a video-ah a sawi laia thla tha tak awm pawh ni loa house an buai chu, state dang legislature in hria se nuihzat an hlawh dawn niin a sawi.
Assembly speaker laka audio siam aia a tak ang turin minister te, minister hlui te, an minister laia an biala kawng laihah sawitu tak pawh lang si loa siam theih a nih thu sawiin, “Chutiang chu a thleng a nih pawhin house hi innawrna tur a ni lo, court-ah an kal tur a ni,” a ti a. Sawi buai tur emaw, sawi fel tur emaw a awm a nih chuan house chu rorelna tur a nih loh thu leh court-ah zawk tih hri budget session hi a tawp thlenga tawiawm turin eptu member-te a sawm nghal a ni.
/////////////////////