Media hmachhawn ngai lem lo tak, Bollywood superstar hlui Mithun Chakraborty chuan a lar vanglai 80s chho vel khan hmingthanna namen lovin a bawm rualin, a khawhar thin hle, a ti.
Kum 71 mi hian kum sawm vel chhung khan film 100 chuang a siam hman a, a hun laia luck ber leh sawm kual nasat ber a tih theil hial awm e. A châng phei chuan nikhat ah film pali ah te inlanin, a vir buai thin hle a ni.
Fan te’n ‘Dancing star’ leh ‘Disco Dancer’ tia an koh thin chuan, “Supertar ka ni ang, tih hi ka ngaihtuah pha ngai lo hrim hrim. Mahse, zankhat thil thua rampuma star number one ka nih khan chiang kekkawkin ka inhmu nghal a, ‘Lalpa le, ka va’n riangin, a va khawrthlak tak em,’ ka mal ngawih ngawih a, mal tak ka ni. Nangmah maiin i awm dawn a, khawhar tak ka ni. Mite khan ban phak loh leh hmuh phak lohva min dah vang khan ka mal tlawk tlawk mai a ni,” tiin a hun tawn a sawichhuak.
Hetih lai hian, Mithun chuan milar dinhmun luah reng tur chuan actor thiam leh talent tha tak neih bakah mihring mihrinaa mi fel leh mi tha tak nih a ngai hle, a ti bawk.
“Actor hi mi tha tak a nih loh chuan reilote ah a ral nghal mai dawn a ni,” tiin a sawi.