AS Roma manager Jose Mourinho chu Inrinni zana Verona nen 2-2 a an inhnehtawk \uma hnawhchhuah a nih avangin match hnih chhung khelmual sirah a pawlte inkhel enkawl thei lo tura hrem a ni.
Mourinho hi Verona nen an inkhelh \um hian khelmual chhunga referee thutluknaah a lawm loh avangin referee Luca Pairetto nen an inchhang a. A hnuah mipui awmna lamah ball chu a thinurin a pet chhuak.
Italian Football Federation chuan Mourinho chu Pairetto lakah inpuhchhiatna lian tak neiin a \awng a, official-te tana him lo thei tur khawpin khelmual a lut nia ngaiin an hrem.
Portuguese manager hi Euro 20,000 chawi tura tih a ni bawk.
Mourinho hian Pairetto hmaah hian a kut zaizir in phone hmang angin a tih el a, hei hi Italian media lam chuan Pairetto pa, Pierluigi tihelna niin an ngai. Pierluigi hi kum 2006 a Italian match fixing thubuaiah a inrawlh tawh.
Mourinho hian inkhel zawhah chanchinbu mite hmachhawn lovin Stadio Olimpico a chhuahsan nghal bawk.
An hremna avang hian Pathianni zana Spezia an tlawh hunah leh March 5 a Atalanta an mikhual hunah Mourinho hian Roma inkhel hi a enkawl dawn lova. A pawlte hi Serie A-ah pariatna niin point rukin a sang pali an hlat mek.