UEFA Champions League round of 16 first leg inkhelah Manchester United in huntawp dawn lamah goal an khung a. Rawlthar Anthony Elanga hmanga him hramin 1-1 in Atletico Madrid nen an inhnehtawk.
Wanda Metropolitano-ah United hian tlawm an hnaih hman hle a. Mahse kum 19 Swedish forward chu khelmual a dah luh a nih a\anga minute ruk hnu lekah goal a khung a. Marcus Rashford thlaktu hian Bruno Fernandes-a ball pek duhthusam chu penalty area chhungah la in Jan Oblak-a goal ah a khung.
Diego hlimthla a duan Atletico
Spanish champion lai hi coach Diego Simeone hnuaia inkhel an ni a, Argentina midfielder hlui hian kum 10 chuang a enkawl tawh.
Simeone hi a inkhelh \hinlaiin defensive midfielder \ha, Argentina muallai luahlumtu \hin a ni a. A thawhrimna, huaisenna, finna, ball thiamna leh tharum a hmang ngam \hinte chuan fak a hlawh \hin.
A team inkhel dan hi a inkhelh hunlaia football a khelh \hin dan ang mai a ni a. Atletico hian khelmual chhungah United lakah thawhrimna leh huaisenna an lantir a, English club in football mumal first half-ah an khel hman lo.
Spanish club in tharum an hmang thiam a, United player-te chhaih thinur turin foul hun tur an hre bawk. Ball chan tam tuma inkhel an ni lova, an chan chhun erawh an hmang thiam \hin a. An zia dik tak, ball chang tlem zawk chunga inkhel thunun thiam an nihna a lang.
Goal an khungnaah pawh hei tak hi a lang chiang a, minute 8-naah United ball hloh a\ang Renan Lodi chuan cross \ha tak veilam a\ang a vawrh lut a. A aia \ha in Joao Felix-a’n a tauh lut.
Portuguese attacker hi amah aia lian daih Harry Maguire chuan ven nachang a hre lo.
Muallai a Marcos Llorente, Geoffrey Kondogbia leh Hector Herrera ten United ball inpe kual tur chu dang fova, ball chang tam zawk mahse English club ball in pass-na lai hi Atletico in an thunun.
Tlarhma a tunhnaia che \ha Angel Correa nena inkawp Joao Felix chu United tlarhnung chhaihbuaitu a ni fo.
Second half a United an insiam\hat hma in Atletico in goal an khung belh teuh a. Dinglam kil a khel Sime Vrsaljko chuan a tauh goal teuh a. Second half tawp dawn lamah Antoine Griezmann chuan goal bar a pet per leh bawk a. Kawng engkimah United an vannei.
Rojiblancos tlarhnungah tawnhriat nei \ha Stefan Savic-a hote United in paltlang har an ti.
Ze hnih nei United
Manchester United manager Ralf Rangnick chuan tunhnaiah a team chu ze hnih nei ang mai an nih thu a lo sawi tawh \hin a. Hei hi an result-ah pawh a chiang.
Tunhnaia an inkhelah first half an thunun chungin goal an khung thei lo fova, second half-ah an goal an veng thei lo \hin.
Atletico lakah United team pumpui in beisei an pha lo a, an coach pawhin a tactic a tihsual thu a sawi.
Tlarhnung ven a ngaih pawimawh avang leh centre-back pathum hmang tura inthlak awlsam theih an duh avangin Victor Lindelof chu right-back ah a chhawr a, hei hian United inremdan a tibuai zual.
Muallaiah Fred, Paul Pogba leh Bruno Fernandes ten ball an hloh nasa a. United team pumpui in first half-ah ringawt ball vawi 61 an hloh.
Second half-ah Rangnick-a’n Aaron Wan-Bissaka, Alex Telles leh Nemanja Matic a dahlut a, nidanga an inkhelh dan pangngaiin United in an khelh hnuah Atletico an nawr let thei a. Spain a pangana ni mek, season beisei loh hmang Atletico an \hat bik lohna United in an tilang ta zeuh zauh.
Minute 75-naah che \ha hleithei lo Marcus Rashford thlatu Elanga dah luh a ni a. Ani in Red Devils tan danglamna a siam a, match hnih chhunga a goal hnihna a khung.
Inkhel zawh lam
Rangnick chuan an inkhel thlirletin, “First half kan khelhdan en kha chuan second half-ah a aia chhia in a khelh theih loh. Khatiang em em kha mak ka la ti zawk.”
“Second half ah hma kan sawn a, mahse first half kha khatiang ang em em a khelh kha a thiang lo.” tiin an \hat tawk loh thu a sawi.
Atletico defender Jose Gimenez chuan, “Kan result hi a lungawithlak loh. Draw kan phu lova, chak phu zawk turin inkhelah kan che \ha zawk. Kawng engkimah anni aiin kan chungnung zawk a ni.” tiin a sawi ve bawk.