Tottenham manager Antonio Conte chuan Nilaini zanah Burnley laka an tlawm hnuah a hmalam hun club hotute nen ngaihtuah \ha a ti a, a \ul a nih chuan ban a hreh loh thu a sawi.
Turf Moor a inkhelah Burnley tan captain Ben Mee chuan inkhel a goal awmchhun a khung a. Thla 13 chhunga a vawikhatna atan Premier League inkhelah Burnley a zawnin an chak.
Inrinni zanah ropui takin Manchester City hneh mahsela Tottenham tan result na tak a ni a. Bul an \an \hat loh hnuah second half-ah Harry Kane, Dejan Kulusevski leh Steven Bergwijn ten goal an khung teuh.
Inkhel zawhah Conte chuan, “He club tana theihtawp chhuah turin ka lo kal a, mahse harsatna hi coach mawhphurhna a nih a, ban a \ul chuan ka bang mai ang.” tiin inkhel zawhah a sawi.
“Hetiang dinhmun hi ka tawn \han loh a ni a, ka theihtawp chu ka chhuah a, mahse thil a danglam lo. Club in \ha a tihdan a hma a lakna turah keichu ka inhawng vek.”
“Kan
dinhmun siam\ha tur hian ka \ha ber lo pawh a ni mai thei. Club tana \ha tur hi kan ngaihtuah a ngai a, tun hunah hian thil kan thlirho a \ul.” tiin a sawi.