Hmasawnna lam pana kal Barcelona an kang telh telh a. An mualah Athletic Bilbao chu 4-0 a sawpin La Liga-ah a sang pali zingah an tel.
Barca tan striker thar Pierre-Emerick Aubameyang chuan a zawna vawi thum nan goal a khung a. Blaugrana leh an Gabon striker ten beisei pha lo taka season an hman hnuah harhtharna an chang.
Camp Nou a Pathianni zan inkhelah Arsenal striker hlui Aubameyang hian minute 37-naah goal hmahruai a khung a. Gerard Pique ball tauh per let chu goal-ah a khung.
Second half-ah a hma hun avang leh a inhliam leh \hin avanga sawisel hlawh \hin substitute Ousmane Dembele chuan a dam \hat phawt chuan a theihna a sanzia a lantir a. Minute 73-naah an goal hnihna a khung a, midang goal khung tur vawi hnih a siamsak bawk.
Barca fans ten a hma hun chiang lo avanga an lo auh el tawh \hin French winger hian thupha a chawi hnuah mipui lawm a hlawh a. Luuk de Jong-a ball pek chu goal-ah a chantir hnuah De Jong tauh goal tur leh Memphis Depay-a goal khung turte a siamsak.
Coach Xavi Hernandez hnuaiah Barcelona hian hmalam an pan a, Europa League round of 16 lut tura Napoli an hneh bakah La Liga inkhel hnuhnung panga an khelh a\anga vawi li an chakna niin hetih chhung hian tlawm an nei lo bawk.
Xavi chuan, “Madrid an \ha a, Sevilla pawh an \ha, chuvangin engmah a sawilawk theih loh a, kan hma ami te zel kan thlir a tawk rih.” tiin a sawi.