Kan nghak rei ta ngat ngat bawk a, kumin 2022 chhung ngeia en theih ngei tum ang aw! Avatar 2 chu December 15, 2022 hian tlangzarh a ni ang.
Hei hi a la chiang lo a nih paw’n 20th Century Fox Persient Seve Asbell chuan kumthar kai an tum lo hrim hrim, a ti bur mai.
Director lar James Cameron kutchhuak ‘Avatar 2’ hi 2014 khan tlangzarh tum thawthang kha an ni hman a, thiamna changkang leh tunlai ber ber te nena buaipui hian khawvel eng a hmu thei lawk lo a ni ber.
Tlangzarh hun vawi tam sawn a ni tawh a, kum thum kalta chhung khan an han tinzawn uai uai thin tak na a, hripui lengin khawvel a nuai nasat vangin tum angin thil a kal thei lo. “Kumin ah kan tichhuak ang. Ka chiang e. Kan ti-chhuak dawn. Mi tam tak kan barakhaih ang,” tiin Asbel hian a sawi.
Pandora khawvel nuam leh mawi tak maia cheng ni mah se, an hmelma kumhlun te an lo kirleh tâk si ah chuan loh theih lohva chhuahsan a ngai dawn ta a, chenna thar leh hmun thar zawng tura an chet-chhuahna hmuhnawm tak i thlir thei ang.