Liverpool tan first half-ah Sadio Mane chuan goal a khung a. He goal hi West Ham United laka 1-0 a chak nan a tawk a, Premier League hmahruaitu Manchester City an um chhunzawm.
Inrinni zana Anfield a inkhelah Jurgen Klopp-a pawlten hnehna chan an phu a, nimahsela Hammers hian mangang taka siam an nei ve fova, Pablo Fornals leh Manuel Lanzini te hmangin goal an khuung teuh.
Hammers tana zan duhawm lo belhchhah turin an forward che \ha lai Jarrod Bowen chu inhliam avangin lakchhuah a ngai a. A hliam nat zawng hi hriatchian la ni lo mahse hun engemaw chen a chawlh a ngai dawn niin a lang.
Liverpool tan lakluh thar Luis Diaz chu a inkhelah a langsar bawk a. Goal khung belh theihna hun\ha a neih bakah goal hlauhawm a hnen a\angin a chhuak hnem.
Inkhel zawhah Liverpool coach Jurgen Klopp chuan, “First half-ah kan khel chhe lova, mahse second half ah khan theihtawp tak tak kan chhuah a ngai a, khatiang a nih loh kha chuan hnehna a chan theih loh.” tiin a sawi.
Inrinni zan inkhel hmasa zawkah Chelsea tan second half minute 22 chhungin Chelsea in goal li an khung a. 4-0 in Burnley lakah hnehna an chang.
Turf Moor a inkhelah Burnley in first half-ah Chelsea lakah chance an nei nual a, mahse remchang an lak theih loh chu tuarin second half \an hnu lawkah Reece James-a’n goal hmahruai a khung a. Kai Havertz-a’n goal hnih a khung hnuah Christian Pulisic chuan an goal hnuhnung ber a khung.
Chelsea head coach Thomas Tuchel chuan, “Goal hmasa ber khan min pui hle a, hetiang inkhel inhnehtawk takah hi chuan inrintawkna neihna tura goal khung hmasak a pawimawh \hin.” a ti.
Leeds United manager thar Jesse Marsch hnuaia an inkhel hmasa berah Leicester City tan Harvey Barnes chuan goal a khung a, 1-0 in Foxes in hnehna an chang.