Aizawl: Mizoram Kohhran Hruaitute Committee (MKHC)-in biak ina zai leh inkhawm dan tur chu kohhran kuta dah tur leh inkhawmpuiah zan inkhawm phal a nih theih nana hma laksak turin Chief Minister Zoramthanga an ngen.
MKHC chuan March 12, 2022 khan chief minister hnenah hian Covid-19 SOP chungchangah ngenna an thlen a, an thu thlenah hian Covid-19 kaihhnawiha khawsak dan tur kaihhruaina, standard operating procedure (SOP)-ah zai phal loh tih leh inkhawm dan tur chungchang chu ziah lan tawh lo a, kohhran kutah dah an duh thu an tar lang.
An lehkha thehluhah chuan chhun lam leh zan lama kohhrante Pathian biak inkhawm phal a nih tawh tho avangin inkhawmpuia zan inkhawm phal loh a ni chu \ha an tih loh thu tar langin, “Inkhawmpui lai pawhin zan lama Pathian biak inkhawm phal loh bik hi tih tawh loh nise,” an ti.
MKHC chuan SOP hman meka \ha tawk lova an hriat, tihdanglam an duhte chu hriatsaka tihhlawhtlin a nih theih nana hma laksak turin chief minister hi an ngen tih an tar lang bawk a ni.