MPCC Media Department chuan, “Mizoram mipuite hi MNF sorkar hian Healthcare hmangin min sawp a, min rawk mek a ni,” an ti.
Aizawl Press club-ah Inrinni khan thu thar thehdarh tute an kawmnaah MPCC Media Dept Chairman Dr Lallianchhunga chuan, health care chungchangah Congress sorkar lai khan tun anga harsatna lian tham hi a awm ngai loh thu a sawi a. December 2018-a MNF sorkar thar a pian khan health care ‘sum bawmpui’ ah Rs vbc 155 chuang a awm hman tih sawiin, “Asian Development Bank a\anga sum a hmuh Rs vbc 117.80 leh Health Care sum hman bang, a vaiin Rs vbc 149.6 chu kum 2010-11 a\angin MSHCS sum bawmpui (Corpus Fund) atan a dah ta a. Hemi sum peipun hna hi Finance Department kutah dah niin, anni lamin bank pali-ah a pung tam thei ang ber turin an dah a ni,” a ti a. Healthcare ‘Sum Bawmpui’ a sum dah pung hian dam lo bill pek \hin a nih thu a sawi.
Dr Lallianchhunga chuan, Congress sorkarin healthcare sum bawmpui a siam hma chuan healthcare sum Rs vaibelchhe tam tak chu MNF sorkar a minister pakhat fate thawhna Bajaj Allianz-ah ‘Fortune Plus’ policy hnuaiah ‘Annual Premium’ anga dah a nih avangin, MSHCS kha a nih tur angin a kal thei lo a, dam lo bill tang pawh a tam \hin thu a sawi a. “Kalphung mumal awm loin harsatna a thleng nasa hle a, kum 2010-2011 chhunga bill tang chu bill thehluh zawng zawng a\anga zaa 35 a tling hial a ni,” a ti.
MNF sorkarin MSHCS hnuaiah dam lo bill pek theih loh Rs. 59,63,40,278 a nei mek a, hei hi February 14, 2022 thlenga mi 23,031-te bill, sorkarin a bat tlingkhawm a nih thu a sawi a. “Financial Year kal lai mek, 2021-2022 chhunga dam lote bill hi pek a la ni lo hrim hrim a, kum 2020-2021 financial year a leiba kha nuai enngemawzat a awm bawk,” tiin, dam lo bill pek theih loh Rs vaibelchhe tam tak a awm chhan ber chu MNF sorkarin health care tan pawisa a dah tam theih loh vang a nih thu a sawi.
A duhsak zawng contractor te Rs vaibelchhe tam tak man hna a thawh tur theih laia dam lo mangangte bill a batsak \euh \hin hi hriatthiam harsa an tih thu, Dr Lallianchhunga chuan an sawi a. Chief Minister in Assembly House-a MNF sorkar tlin lo chung chunga health care kalpui anga a sawi chu thu dik tawk lo a nih thu sawiin, “Mizoram anga kalphung \hain state eng emaw zatin health care hi an kalpui mek a ni,” a ti bawk.
Kum khat chhung tawp (2021-2022) Healthcare Bill pek theih a nih loh laia kumthar, 2022-2023 atana Registration tih tharna tur rate, Rs. 100 chawi \hin AAY chhungkua te’n Rs. 200 chawi a ngai ta vek te, Rs. 1000 chawi \hinin Rs. 2000 chawi a ngai tate hi mipui rawkna dik tak a ni tiin, “Healthcare bill ba Rs Vaibelchhe 59 rulhna tur mipuiin kan thawhkhawm dawn a ni ber. Mizoram mipuite hi MNF sorkar hian Healthcare hmangin min sawp a, min rawk mek a ni,” a ti a ni.