Aizawl: National Health mission (NHM), Mizoram hnuaia thawkte chuan sorkara an thil phutte tihhlawhtlin a nih loh avanga lungawi lohna lantir nan vawiin a\angin ni li chhung an hnathawhnaah badge dum an bel dawn a, hei hian awmzia a neih loh chuan mass casual leave an la leh ang.
NHM hnuaia thawk doctor, nurse, health worker, laboratory technician, driver, data entry operator leh thawktu dangten a ngheta lak a nih theih nana hma la turte, a hun taka hlawh an lak theih nana hma la turtein sorkar an phut a, March 3, 2022 ral hma ngeiin an thil phutte chu tihhlawhtlinsak turin sorkar ngiat mah se an hun bi tiam a ral hnuah pawh sorkar an la au ei zo lo.
An thil phutte tihhlawhtlin a nih loh avangin lungawilohna lantir nan vawiin atanga Ningani (March 17,2022) thleng an hnathawhnaah badge dum an bel dawn.
Lungawi lohna lantir an tum chungchanga thuchhuah an siamah NHM Employees Union (NEUM) chuan badge dum an bel chhunga sorkar nena inbiakna emaw an lungawina khawp thu an dawng lo a nih chuan March 21-23 chhung mass casual leave lak an tum thu an tar lang bawk.