Aizawl: Nimin zing khan Saitual district-a Suangpuilawn ram, Rungdil bula Lianchhunga huan thlam a kang a, thlama riak mi pathum an kang hlum.
Suangpuilawn a\anga thudawn danin, Rungdil bula Lianchhunga huan thlama hian mi panga an riak a, zing dar 4:00 vel khan kangmei chhuak hi hriat a ni a. Thlama riak zinga mi pathum – Lalmuankima s/o Lianchhunga, huan enkawltu Vanlalmawia (VL-a) leh a fanu, Zorinmawii (14) te chu an kang hlum a, thlama riak ve tho, David Lallawmzuala (14) leh Isaak Lallawmzuala (28) te erawh an zuan chhuah avangin an him.
Thlam hi a kang ral hneh hle a, thlam bula an dah Bolero chu a kang chhe hneh hle a. Thlam hi a chhawnga sak niin, thlam hnuai lamah eirawngbawlna gas leh oil, tyre \hahnem tak leh teak thing zai tawh eng emaw zat dah a ni.
Kang hlumte hi tute nge an nih hriat hran harsa khawpin an kang nasa niin mita hmutute chuan an sawi a. Saitual police-te chuan SDPO hovin vanduaina thlenna hmun hi an pan nghal a, buaipui ngai leh thil \ul hrang hrang an buaipui nghal a, Suangpuilawn leh khaw \henawm mi tlawmngaiten police-te hi an \awiawm.
He huan hi uluk taka enkawl niin thlai chi hrang hrang baka sangha dilte a awm a, ran an vulh bawk.
Lianchhunga bakah a fate – Lalmuankima (Mka), SAMGRA hnuaia Project Engineer thawk mek leh Vanlalruati Ralte, ZEDA lama officer te chuan he huan hi an enkawlpui ve bawk a. Solar power te, TV leh fridge te nen an huan thlamah hian an nei a ni.