- Zirsangkima

Ka naupan laia zàn ka mut theih loh \um khân tuin nge zàna min mutpui \hìn le? Ka nu, ka nu duh takin a nih kha. Ani chuan ka mit min chhìntir a, mawng min bensak \hìn. Ni e, ka muthilh hma zawng ka nu chuan min awi peih \hìn. Ka nu chu ka ril\àma a hnute tuia min chãwm liantu a ni a, vawiina heti tiat ka nih theihna chhan hi ka a ni bawk.
Chaw ka han ei a. Ka ei \hat loh hlauin—sum an neih viau vàng ni chuang loin—ka duh ang zawng chawhmeh min leisak a tum hrãm hrãm \hìn. A tui tui, ka taksa tâna ei tùr \ha, a hreisêl apiang min pe \hin a. An ei ai min pêk chu sawi loh, kan \han zêl nâna \ha tùr chaw \ha chu a fahin min fah lui \âwk \âwk \hìn.
Naupang ta nâ chuan hlauh leh \ih ka ngah \hin ngang mai. Ka dawihzep vàng ngawr ngawr pawh a ni hran lo—mihring zia ka put put vàng a ni zâwk ang. Chûng hunah chuan chempui leh hrei lian tâwk nei ka pa ka ngai \hìn a, ka ko nawn awn awn fo. Ka pa chuan hlau leh khùr leh, ral\í-a ka awm a hlau \hìn a, ka rálmuanna tùr a nih dáwn phawt chuan a hna a kalsan ngam a, a engkim min pêk a hreh ngai lo.
Chûng mi pahnih—ka nu leh pate chu pathian ang thàw thángin ka en lo thei lo a … en loh tum luih pawh thil harsa tàwpkhâwk a tling fo. Film-a Mithun-a leh Arnold-a aia ka ngaih sànna a hniam thei lo a, ka nu lah Cindy Crawford-i aiin ka hmu hmel chhe thei ngawt hek lo. Ka tán chuan ka khawvêl in\anna leh tàwpna tùr riakah ka ruat fo a; anni aia mi chungnung leh mi ropui hi awm theiah ka ruat ngai lo.
Kan han tleirãwl a; tih tauhna cháng ka han hre ve \an a. Ka nu leh pa aia fing bîk ta riau leh ka nu leh pate \hing riaua inhriatna ’rau-in min han man ve a. An thu loin kan han pènsan ve vei ngawt a; sikula hrem leh hrêk ka nih cháng paw’n anni tho ka mamawh leh \hìn. Anni’n phun lo leh min hau loin, zâwldawh takin min rawn chhan leh \hìn.
Tlangvàl ka hre chho \an ve a. Ngaihzáwngte tih làwm nána ba \ún \ún \ûn chunga nula thil ‘khilai’ hreh loh hun kan han thleng a. Bá a tam deuh hnu, ka batna ten min \hìn huna pawisa ka dìl bera chu ka nu leh pate tho an ni. A ni, anni’n phun miah loin ka leibá min rulhsak an hreh ngai lo!
Nupui ka’n nei ve ngawt dáwn a. Nupui neih nán sènso nai chu chu namén a ni lo. Man hlan chaw ei khâwm man leh nupui neih ni-a inkhâwm leh ruai man tùr zawng zawng chu ka sum lo khâwl zozai hian a tum séng rêng rêng si lo. Ka neihin nupui neih a tlin lo; a support zo lo! Mahse, ka nu leh pate chu, ka nupui neih tùrah an phùr êm êm mai a. ‘Bawiha, eng mah i insèn a ngai lo e, kan inséng vek mai ang,’ ti ni àwm hrimin, mi fanu duat lai chu min han neihsak ve tháwr mai a nia! Dik tak chuan, a neitu ai mahin an phûr zâwk emaw ni chu aw tih tùr an la ni zui a!
Nupui kan han nei ta chèng a; fa an han pai a. Min duat khalh vek zui a. Fa an han hring a; a ‘siamtu’ ai mah mah hian ka nu leh pate chuan min duatsakin min duat khalh a. An ta neih hmiah mai a. Hming phuah an tum thùl. Chaw fah leh hrai an inchuh! A nu takngial paw’n a pawm pawh pawm chang loin min enkawlsak a. A Vitamin tùr leh a Calcium tùr leisak theih loh chu keini ai mahin an hlau zâwk a …
Hei hi fate min hmangaihtu, nu leh pa zia a ni tlat.
Mizo mipuite hian nu leh pa kan nei ve—kan sawrkar hotu, duh taka kan thlan tlinte hi. Lal mêk, tùna rorèlna in sánga mipuiin kan \huttír, lal tiang kenga thû êm êmte hi!
Nu leh pa-in a fate a hmangaihzia leh a duatzia kan sawi a; hetiang hian sawrkar, mipui nu leh pate hian an fa—Mizo mipuite hi duatin min enkawl ve em le? A ei ai a pe ve phal ngai em aw? Pe loin a fa, mipuite ei ai eisak a chíng hial zâwk em? Nu leh pain an fate thlabára an awm a hlauh ang hian kan sawrkar hruaitu—chu pawh, mipuite siama din, mipuite ta ni ngawih ngawih hian a fate hi thlabárin a siam \hin em le? An chaw nghei te, an tui nghei te, to uchuaka electric bill an pêk te, an thawh hlawh pêk theih loh te hi a hlau ve \hin em aw?
Nu leh pa dik tak chuan a fate \àm hlauin amah a ‘inti \ám’ zâwk \hìn a; kawng \haa fate an kal theih nán kawng bumboh a zawh \hìn a ni ngai a. Khàwnvàr êng, man chawia an chhit man te leh man chawia tui an dawn \hin hàw \hat loh pawh a hlau tùr a ni. Mahse, mipui nu leh pa, kan ‘púte’ hi chuan an hlau \hak si lo a! An mi leh sa, anmahni laltírtu, an fate ril\áma an awm laia ‘lal’ taka car man to an dawn dawna chuan ziai ziai an zak chuang eih lo si lo a!
Kawng leh building sa tùr paw’n duhsak bîk an nei leh zêl a; an mi leh sa ni ve lo tán phei chuan a chuha chuh buaipui ngam chi ziazáng ni lo khawpin an hauh huam huam a. ‘Mi tin thleng phâl sawrkar hruaitu’ neih hi kan va hlat si êm! Vawiina kan ram heti khawpa a retheihna chhan hi kan hruaitu hmasa leh kan hruaitu ni mékte hi in ni a nia!
A dika dik chuan, mangan ní-a ‘Ka nu, ka pa’ tih tùr, kan thlan tlin ngei nu leh pa kan nei ngai lo hi kan lainatawm ve a nia aw! Kan nu leh pate chuan, mi retheitena kan dam chhúnga kan chhawr ve miah loh tùr, ‘airport cute ber’ te min tuipui daih a; a la chim zui! An hmalâkna hian kan chawbél hi a hlat si a nih hi!
Chhúngkaw pa, kawng chhãwng siam min tiamtu; siam hlei thei si lo; lei (bridge) chim leh mai \hin siam chíng; mau sawi mawia ram intodelhna min sawi màwipuia a hralhna leh ramin a hausakpuina hmuh tùr awm si lo min kawh hmhtu; a vil a vil chunga airport chim thei min dinsaktu hi, chhúngkaw pa ber ni mah se, sum enkawl tùr hian a fa—mipuite tán hian rin ngam a har tak zet ta! ‘Finance department hi chhúngkaw pa ka nih anga ka chan tùr alãwm, titu, chhúngkaw sum enkawl hlei thei lo hrawn a, a fate—ama sikul dina luhtír duh lotu chhúngkaw pa chàwm nih hi kan hlau tawh a; enkawl lo ngam zâwk mai se kan duh êm êm tawh zâwk a nih hi!
Mizo mipuite hian nu leh pa nih tlin ram hruaitu; ril \àm huna hnute min hnêktir theitu; mi tin thleng phâk rorèlna; nu leh pa nih tlin ram hruaitu; mi retheite tana inhnemhnànpuina awm MLA neih hi kan phú ve tawh e. Kan hruaitute pawh hian, sawrkar term leha tlin leh in duh chuan mipuite hi min ngai pawimawh hmasa ula; in VIP tak takah min ngaiin rawn campaign tawh teh u.