Aizawl : BJP Mizoram State President Vanlalhmuaka chuan, BJP chu Kristianna nen inmil lo anga an sawi fo chu thu belhchian dawl lo a ni tih Mizoram mipuite pawhin an hriat tawh thu a sawi.
April 2, 2022 zan khan Vanlalhmuaka hian Mamit District chhunga Ailawng khuaah BJP zawm tharte a lawm lut a. Lawm luh inkhawmah thu sawiin BJP Mizoram State President hian, BJP chungchanga hriat dan diklo leh opposition party te’n tun hma a\anga BJP chu Kristianna nen inmil lo anga sawia an beihna chu mipuite pawhin thu belhchian dawl lo a nihzia an hre chiang tawh tih a sawi a. “India ram constitution hian hnam tin, sakhua tinte himna tur a neih avangin chumiah chuan kan him vek a ni. Tun hun a BJP \hanglian tur beihna’n a hetiang thil, sawi a awm \hin hi development dodaltu te an ni tih ka sawi duh a ni,” a ti.
Vanlalhmuaka hian BJP in hna an thawh \hat avangin India ram state zawng zawng deuhthawah mipui te’n development an duh vangin sorkarna an neih mek thu a sawi a. Mizoramah hian mipuite development-a an tuihal avangin kum 2023 MLA inthlanpuiah an sorkar ngei dawn tih a sawi.
Prime Minister Narendra Modi-a’n mipuite ham\hatna tur leh mirethei zawkte khai chhuahna tur scheme hrang hrang duang chhuak mah sela, Mizoramah chuan sorkarna changtu te’n anmahni sorkar ta bil emaw tia dik lo taka an hmang \hinin, a dawngtu tur tak te hnen thleng phak loa an party mi te tan an lo la peng \hin chu pawi a tih thu sawiin, “Mi rethei te rah behna lian tak a ni,” a ti.
Mi thar lawmluh inkhawm hi Dampa East Block President C Vanlalduha’n a kaihruai a. State President hi BJP State Secretary, State Spokesperson-te bakah hruaitu dang ten an \awiawm a ni.