Pakistani president chuan an ram parliament term kal mek chu titawpin a \hiat a, hei hian inthlan hun pangngai hmaa inthlan a ngaih phah dawn a, Prime Minister Imran Khan-a paih thlakna tur danna a ni bawk.
Parliament rorel inkhawmah deputy speaker-in prime minister-in rintawk a hlawh tawh lo tia eptuten bul tura thu an put luh chu an cho anga a tlin zawn loh ngei a rinawm avanga a buktir duh loh hnuah president hian parliament chu a \hiat ta a ni.
Khan-a hian amah paih thlak tumnaah hian United States chuan thil phiarin an ti ta tih a sawi a, hei hi US policy a sawisel fo avang leh ram dang policy pawh a sawisel \hin vang niin a sawi.
Eptu lamte chuan hetianga a puhna hi an pha nasa hle a, US ngei pawhin Khan-a thil sawi hi a ni lo tih an sawi.
Khan-a hian Russia-in Ukraine a rûn \an vel lai khan Moscow tlawhin President Vladimir Putin a kawm a, a hma lawk pawhin America hi nasa taka sawiselin ‘War on Terror’ an kalpui dan a bei nasa hle.
BBC chuan prime minister hi Pakistani sipaite puihnaa thuneihna chang zui zel tura sawi rik a ni tih tar lan a tam hle \hin a; mahse, tunah erawh chuan he thawm hi a reh tawh tih a tar lang.
Khan-a hi a thawhpui party miten an phatsan zel karah eptute chuan amah rintawk lohna, no-confidence vote la turin parliament-ah hian an thlen a ni.
Pathianni khan Information Minister Fawad Chaudhry chuan MP-ten Pakistani sorkar thuneitute chu ‘ram dang sorkarin an sorkara thil tih an tum’ dang tura beihpui thlak turin an ti tih a sawi.
Parliament-a rorel inkhawm kaihruaitu, deputy speaker chuan prime minister a\anga paih tura buk chu an ram dan kalh a ni tih a sawi a, amah hi Khan-a nena inhnimhnai tak niin bukna kalpui chu dan lo niin a sawi.
Eptute erawh an thinrim hle thung.
An ram Supreme Court-ah petition an thehlut zui tawh a, prime minister an rintawk tawh lohna vote thlak theih loh chu dan angin a theih reng em tih tichiang turin an ngen.
An politics inlumlet mek avang hian an ram khawpui ber, Islamabad-ah chuan venhimna khauh taka kalpui niin sorkar hmunte phei chu ven nasat zual a ni.
Khan-a hi July, 2018 khan thlan tlin a ni a, ei rukna nasa taka dovin an ram eibar dinhmun chawikan a tum thu a sawi a, vantlangah pawh a tla na hle a; mahse, thil man a sang chak hle a, ram dangah an ramin leiba a nei ngah telh telh bawk a, duhkhawp lohna thawm a ring sawt hle a ni.
Nikum October khan Khan-a hian Pakistan-a thil tithei tak, ISI intelligence agency-a an chief thar ruat tur pawh hming a ziah hnan duh lo tlat tawh.
Vantlang hmaah chuan sipaite leh Khan-a hian innghirnghona an nei lo niin nasa takin an sawi \hin.
Pakistan ram chanchinah hian an prime minister \ang lai pahnihte chuan rintawk an lo hlawh lo tawh a. Benazir Bhutto, kum 1989 leh Shaukat Aziz, kum 2006 pawh khan an dingchang zo lo ve ve a ni.