United States-a California state khawpui, Sacramento-a inpawng kahna thlengah mi paruk an thi a, mi dang 10 velin hliam an tuar bawk niin police-in an sawi.
Thingpui dawr leh zu inna hmun tam tak awm khawmna, mi tam tak an awmnaa Pathianni zing hma taka rang taka silai puak zawt zawt avang hian mipui an tlanchhe darh nasa hle.
A bul hnaia police awm chuan silai kap hi a kap let ve a; mahse, mi an tam avangin a kap let tak tak thei lo niin police chief Katherine Lester chuan a sawi.
He thil thlengah hian tumah man an la awm lo va, “Thil lungchhiatthal tak a thleng a ni,” tiin Chief Lester chuan a sawi.
Officer hian chhuituten a hmun hi uluk takin an en thlithlai tawh a, mipuite chu anmahni puih theihna thil an hria a nih chuan hrilh vat turin an ngen bawk tih a sawi.
Inkahnaa hi an ram sanaa zing dar 2:00 (India-a Pathianni chawhnu dar 2:30) vela 10th Street leh K, Sacramento Kings-in basketball an khelhna hmun, Golden One Center kalpawhna vela thleng a ni a. An state Capitol building bul lawk a ni bawk.
Community activist Barry Accius chuan zing dar 2:30 velah city council member-in a koh avangin a hmun hi a thleng tih a sawi a. “Ka hmuh hmasakte chu thite ni awm tak an ni hlawm,” tiin CBS News hnenah a sawi.
“Hmeichhe la valai tak, thisenin a bual khah vek leh amah ang vel bawk hmeichhiain a tarmit la thlaa, ‘Ka laizawnnu an that,’ tia a au ka hmu a. Nu pakhat lo tlanin, ‘Khawiah nge ka fapa, an kap em ni?’ a rawn ti chul bawk,” a ti.
Kum 32 mi, Kay Harris chuan a muttui laiin a chhungte zinga mi pakhat kah hlum a nih thu an hrilh tih a sawi a, an rin dan chuan a nu\apa a nih a ring a. A hriat dan chuan London an tih, 1009 10th Street-a zan lam intihhlimna hmunah a awm nia a hriat thu Associated Press a hrilh.
Tun hma pawhin vawi tam tak he club-ah hian a lut tawh \hin a, ‘\halai intawhkhawmna hmun’ niin a sawi mai \hin niin a sawi.
Tun \uma thil thleng hi US-a silai kawl leh hman phalna leh khap duhna thua inhnialna a tam vanglai taka thleng a ni.
Mayor Darrell Steinberg chuan hetianga thi leh hliam tam tak hriat hi engmahin a man zo lo niin Twitter-ah a tar lang.
“Silai chelekna thil hi kan khawpui, state leh kan ram pumah a thleng nasa a, silai kawl leh hman phalna hi tihnep a ngai a ni,” a ti.
US-ah hian hetianga silai hmeh puahna thil avang hian mi 40,000 zet an thi a, hei hi mahnia intihluma inkap an tel bawk tih Gun Violence Archive website chuan a tar lang.