Sahuan tlawhtute atanga pawisa lut Rs 4,09,280 a tling

aIZAWL: Ni 93 chhunga Aizawl Sahuan tlawh tu mi 26548 a\angin Rs 4,09,280 lak luh a ni.
Kum 2021-2022 (Financial Year) chhungin Aizawl Zoological Park hi Covid-19 leng vangin mipuite tlawh theih tura hawn mumal theih a ni lo a. October 5, 2021 a\anga March 31, 2022 chhung khan ni 93 chhung chauh mipui tlawh theih a hawn a ni. Hemi hun chhunga tlawh tute luh man, an lirthei leh camera ken luh man a\angin Rs 4,09,280 hmuh a ni.
Ni 93 chhunga Aizawl Sahuan tlawhtu kum 10 chung lam mi 19627 an awm a, kum 10 hnuai lam mi 6921 an awm a, an vaiin mi 26548 an tling a. Sahuan tlawhtu zingah still camera 108 leh video camera pathum keng luh a ni bawk.
Hri leng kara Sahuan tlawh theih hun hawn chhungin mihring bakah lirthei ke hnih nei (two wheelers) 5553, LMV 2238, HMV 15, a vaiin lirthei 7806 an awm.
Aizawl Sahuan enkawltute chuan, tunah hian state pawn Zoo a\angin ramsa \henkhat lak luh tuma hma an lak mek thu an sawi a. Tun dinhmunah ramsa/sava chi hrang hrang 47 (species) awm mekin, ramsa/sava 377 awm mek a ni. He’ng zawng zawng enkawltu mi 21 an awm mek a ni.
Aizawl Sahuan hi mipuite’n an hlut tual tual a, tlawhtu pawh an pung ve zel a. A hmunhma pawh tlawhtu mipuite tana chhenfakawm leh changtlung zawk tura buatsaih mek zel a nih tih Sahuan enkawltute’n an sawi a. Sahuan tlawhtu te hian bawlhhlawh a bawmah chauh paih \hin turin an ngen nghal.
Pathianniah Aizawl Zooligical Park tlawh theiha hawn \hin chu tihdanglam a ni a, chawlhkar tin Thawh\anni a\anga Inrinni thleng, zing dar 10 a\anga tlai dar 4 thleng thlawh theih tura hawn \hin a ni tawh thung.

I. Sahuan tlawhtute
1) Kum 10 chunglam – 19627
2) Kum 10 hnuailam – 6921
A vaiin : 26548

II. Lirthei zat
1) Two wheelers – 5553
2) LMV – 2238
3) HMV – 15
Total : 7806

III. Camera zat
1) Still Camera – 108
2) Video Camera – 3
Total : 111

Leave a Reply

error: Content is protected !!

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427