Karhmasaa Sunday zan Oscard award semnaa comedian Chris Rock a ben hnu ah US actor Will smith chu Oscar Academy atangin a bang.
Thuchhuah siamah, ’94th Academy Awards semnaa ka chet dan kha nasa taka inbarakhaihna, tawrhna leh chhuanlam siam theih loh thil a ni,” a ti. Academy chuan a banna hi a pawm fel tawh rualin, alaka disciplinary action la tura hmalak zel a ni ang, a ti bawk.
Rock-a’n Smith nupui lukawlh chungchanga fiamthu a thawh vanga tharum thawhna thlen atanga darkar khat pawl ral hma in Smith hian ‘King Richard’ atangin best actor award a dawng zui a, tennis star unau hnih Venus leh Serena Williams-a pa lemah a chang.
“An rilru ka tihnat an tam em em a, Chris leh a chhungte bakah ka thiantha le hmangaih em em te pawh an tel.
“A hmuna lo kal khawm te, khawvelpuma In lama thlirtute tiamin an rilru ka ti na hle tih ka hria. Aca-dmey ka phatsan a, nominees leh winner te’n hun hlimawm an hmanna tur ka tithuanawp vek a, an hnathawh ropui tak an lawmna tur thlengin ka tikhawbaw vek.
“Ka thinlung hi a keh a ni,” tiin thuchhuah a siamah a tarlang.
Academy of Motion Pictures Arts and Sciences hi Oscars buaipuitute niin, khawvelpumah member 10,000 vel an awm. Mi tam tak chu he pawlah hian an lut thei mai bik lova, member ni lai pahnih talin an nominate a ngai.
A pa ang maia
kut rang?!
Nikum tawp lama a chanchn ziahna lehkhabu tharah khan Will Smith chuan a seilen dan hahthlak tak leh a pa nena an inlaichinna chhe tak chungchang a tarlang chiang hle a, boruak a vaw hot chho nghal hle.
‘Will’ tih hmingpua, November 9, 2021-a tlangzarh turah hian a pa nihna leh mizia dik tak zep map lovin a tarlang.
Heti ang hian
“Ka pa kha a nunrawng a; game, play leh recital ah te a tel ve reng tho. Zu ngawlvei a ni na a, ka film tlangzarh hun angah erawh chuan a harhfim ziah thin. Kum 9 mi ka nih laiin na tak maiin ka nu a hnek thlu tawp mai a, a kâ atangin thisen a lo pik-chhuak a.. bedroom-a thil thlen lai hi chiang takin ka hmu.
“Ka thil hmuh leh tawn khan ka nunah ring takin thu a sawi nghal a, tunge ka nih, tihah chianna chiang tak ka nei ta a ni,” a ti.
Hollywood actor Smith-a pa hi kum 2016 khan a boral. A nu leh pate inthenna atanga kum 16-naah a ni.
A nu leh pa in\hen hnu hian Smith-a’n a pa dam lo a enkawlzui a, mahse a naupan laia thil thleng duhawm lo tak khan a rumthaih chhunzawm reng thin, tih erawh a pha lo.