Tamil Nadu, Kerala leh Puducherry-a assembly inthlan tur leh a thawh thum nana Assam leh West Bengal-a inthlan tur atana campaign hun chu nimin tlai khan a tawp.
Tamil Nadu, Kerala leh Puducherry-ah hian Thawhlehni hian thawh khat chauhvin mipuiin vote an thlak dawn a. Assam hi thawh thuma inthlang tur niin West Bengal hi thawh riat zetin an inthlang dawn a. State pahnihah hian thawh thum nan Thawhlehni hian vote thlak a ni ang.
Tamil Nadu-ah hian Kanniyakumari Lok Sabha bial leh Kerala-a Malappuram bialah pawh bye-election neih nghal tur a ni.
Thawhlehniah hian Assam-a assembly bial 40 leh West Bengal-a bial 31-ah vote thlak a ni dawn a. Tamil Nadu-ah hian bial 234, Keral-ah bial 140 leh Punducherry-ah bial 30-ah inthlan a ni bawk ang.
Kerala-ah hian Union Minister Nirmala Sitaraman, Congress hruaitu Rahul Gandhi, LDF hruaitu hlun leh Chief Minister Pinarayi Vijayan te chuan campaign tawp niah hian hmun hrang hrangah vantlang inkhawm an huaihawt.
West Bengal-a mi nuai 40 velin vote an thlak dawn a, chuhtu mi 122 tan BJP, Trinmool Congress leh Sanyukt Morcha chuan a tawp ni thlengin beihpui an la thlak nasa hle.