Eibar dinhmuna buai Sri Lanka sorkar a chiri

Cabinet an bâng, president-in tangrual sorkar siampuia eptute a sawmna hnawl

Sri Lankan mipuite chu eibar dinhmuna an hniam em avangin an president, Gotabaya Rajapaksa chu bang turin an nawr chhunzawm zel a. President hi a cabinet member-te pawhin an bansan hnuah eptute chu \angruala sorkar siampui sawm mah se an hnawl.
President unaupa, prime minister nihna chelh mek, Mahinda chiah an sorkarah hian a fawng vuantu zingah a tel tawh.
A hmain Rajapaksa hian eptute chu a cabinet zawm turin a lo sawm tawh a; mahse, anni hian an duh lo.
Mipuite hi ni tin mamawh an tlakchham avang leh power supply an neih loh nasat avangin an thinrim hle.
Pathianni pawh khan curfew bawhchhiain khawpui eng emaw zatah lungawi lohna an lantir chhunzawm a. A tam ber hian president a bân an phut.
Curfew bakah hian social media site hrang hrang – Facebook, WhatsApp leh Twitter te chu hman theih lohva dah a ni a. Hei hi Ningani zana president chenna bula lungawi lohna lantirna thlenga tharum thawhnain a zui hnua tih a ni.
Eptu party pahnih, rorelna ina member 54 nei, Samagi Jana Balavegaya (SJB) leh member pathum nei, Janatha Vinukthi Peramuna (JVP) chuan president sawmna an hnawl.
Sri Lanka hian ram dang nena pawisa inthleng tawnnaah engmah neih an neih tawh loh avangin tuialhthei leh bungraw dang an chaw lut thei tawh lo va, kum 1948-a UK a\anga an indan hnua an ram eibar dinhmun chhiat lai ber an tawng mek.
Sri Lanka hian tuialhthei la lut turin ram dang pawisa an mamawh a. Power chu chawhma zawng leh a aia reite awm lovin ei tur, damdawi leh tuialhthei an nei lo va, mipui thinrimnain a san lai ber an tawng ta mek a ni.
Rajapaksa hi hneh takin kum 2019 khan thuneihna chang tura thlan tlin a ni a, an ram chu a ngialngheh theihna tur leh ei rukna tibo turin a kaihruai dawn tih a intiam a. Mipui pawhin an lawm hle a; mahse, tunah erawh a dinhmun hi a chhe tawh hle a ni.

Leave a Reply

error: Content is protected !!

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427